പെരിന്തല്മണ്ണ: മലപ്പുറം ജില്ലയിൽ ഐഎംഎ ഇന്ന് നടത്താനിരുന്ന സമരം പിൻവലിച്ചു. പെരിന്തല്മണ്ണ ഇഎംഎസ് സഹകരണ ആശുപത്രിയില് ഡോക്ടര് ഉള്പ്പെടെയുള്ള ജീവനക്കാരെ കൈയേറ്റം ചെയ്തവരെ അറസ്റ്റ് ചെയ്യാത്തതില് പ്രതിഷേധിച്ച് നടത്താനിരുന്ന പണിമുടക്കാണ് പിൻവലിച്ചത്. പ്രതികളെ അറസ്റ്റ് ചെയ്തതോടെയാണ് പണിമുടക്ക് പിൻവലിച്ചത്.
ഐഎംഎ മുൻ സംസ്ഥാന പ്രസിഡന്റ് എ.വി. ജയകൃഷ്ണൻ ഡോക്ടര്ക്കും മറ്റ് ജീവനക്കാര്ക്കും കഴിഞ്ഞ വെള്ളിയാഴ്ചയാണ് മര്ദനമേറ്റത്. റോഡപകടത്തില് പരിക്കേറ്റ് ചികിത്സയിലിരിക്കെ പെരിന്തല്മണ്ണ താഴേക്കോട് സ്വദേശിയായ ഫാത്തിമത്ത് ഷമീബ ആശുപത്രിയില് വച്ച് മരിച്ചിരുന്നു.
ഇതുമായി ബന്ധപ്പെട്ടാണ് ഇവരുടെ ബന്ധുക്കള് ഡോക്ടറേയും ജീവനക്കാരേയും കൈയേറ്റം ചെയ്തത്. ആശുപത്രിക്ക് നാശനഷ്ടങ്ങളും ഉണ്ടാക്കി.
മലപ്പുറം ജില്ലയിലെ ഐഎംഎ പണിമുടക്ക് പിൻവലിച്ചു
08:52 AM Feb 15, 2022 | Deepika.com