മുംബൈ: മഹാരാഷ്ട്ര സർക്കാരിന്റെ വൈൻ നയത്തിനെതിരായ അനിശ്ചിതകാല നിരാഹാര സമരത്തിൽനിന്നും പിന്മാറി ഗാന്ധിയൻ അണ്ണാ ഹസാരെ. പൊതുജനാഭിപ്രായത്തിന്റെ അടിസ്ഥാനത്തിൽ മാത്രമാകും തീരുമാനം നടപ്പാക്കുകയെന്നു മഹാരാഷ്ട്ര സർക്കാർ ഉറപ്പു നൽകിയ സാഹചര്യത്തിലാണ് പിന്മാറ്റമെന്ന് അണ്ണാ ഹസാരെ അറിയിച്ചു.
തിങ്കളാഴ്ച മുതൽ റാലേഗൻ സിദ്ധിയിലെ യാദവ് ബാബ ക്ഷേത്രത്തിൽ അനിശ്ചിതകാല നിരാഹാര സമരം ആരംഭിക്കുമെന്നാണ് ഹസാരെ നേരത്തെ മാധ്യമങ്ങളെ അറിയിച്ചിരുന്നത്. സൂപ്പർമാർക്കറ്റുകളിലും വാക്ക്-ഇൻ സ്റ്റോറുകളിലും വൈൻ വിൽക്കാനുള്ള തീരുമാനത്തിനെതിരെയാണ് ഹസാരെയുടെ പ്രതിഷേധം.
നിരാഹാര സമരം പിൻവലിച്ച് അണ്ണാ ഹസാരെ
05:00 AM Feb 14, 2022 | Deepika.com