ജമ്മു: ജമ്മു കാഷ്മീരിലെ അതിർത്തിഗ്രാമമായ അർണിയ സെക്ടറിൽ ഭുലേ ഛാക് അതിർത്തി പോസ്റ്റുവഴി നുഴഞ്ഞുകയറാൻ ശ്രമിച്ച പാക് പൗരനെ ബിഎസ്എഫ് വെടിവച്ചുകൊന്നു. നിരവധി തവണ മുന്നറിയിപ്പു നല്കിയെങ്കിലും പിൻവാങ്ങാത്തതിനെത്തുടർന്നാണു വെടിയുതിർത്തതെന്നു ബിഎസ്എഫ് വൃത്തങ്ങൾ പറഞ്ഞു.
അന്താരാഷ്ട്ര അതിർത്തിക്കു സമീപമുള്ള മൃതദേഹം മാറ്റിയിട്ടില്ലെന്നാണു വിവരം. കഴിഞ്ഞമാസം രൺബീർ സിംഗ് പുര സെക്ടറിൽ നുഴഞ്ഞുകയറാൻ ശ്രമിച്ച സ്ത്രിയെ ബിഎസ്എഫ് വെടിവച്ചുകൊലപ്പെടുത്തിയിരുന്നു. അതിർത്തിയിൽ മഞ്ഞുമൂടിയതിനാൽ നുഴഞ്ഞുകയറ്റശ്രമങ്ങൾ വ്യാപകമായതായി ബിഎസ്എഫ് വൃത്തങ്ങൾ അറിയിച്ചു.
നുഴഞ്ഞുകയറാൻ ശ്രമിച്ച പാക് പൗരനെ വധിച്ചു
12:47 AM Jan 04, 2022 | Deepika.com