പനാജി: മുംബൈ-ഗോവ കോർഡെലിയ ക്രൂയിസ് ഷിപ്പിലെ ജീവനക്കാരന് കോവിഡ് സ്ഥിരീകരിച്ചതോടെ കപ്പലിൽ കുടുങ്ങി രണ്ടായിരത്തോളം യാത്രക്കാർ. നിലവിൽ കപ്പൽ മോർമുഗാവോ ക്രൂയിസ് ടെർമിനലിൽ നങ്കൂരമിട്ടിരിക്കുകയാണ്.
ആന്റിജൻ പരിശോധനയിലാണ് ജീവനക്കാരന് കോവിഡ് സ്ഥിരീകരിച്ചത്. കപ്പലിലെ 2000 യാത്രക്കാരെയും പരിശോധിക്കുമെന്നും പരിശോധനാ ഫലങ്ങൾ പുറത്തു വരുന്നത് വരെ യാത്രക്കാർ കപ്പലിൽ തുടരണമെന്നും ഉദ്യോഗസ്ഥർ അറിയിച്ചു.
രോഗം സ്ഥിരീകരിച്ച ജീവനക്കാരനെ ഐസോലേഷനിലേക്ക് മാറ്റി.
ജീവനക്കാരന് കോവിഡ്; കപ്പലിൽ കുടുങ്ങി 2,000 യാത്രക്കാർ
06:38 PM Jan 03, 2022 | Deepika.com