ന്യൂഡൽഹി: കോവിഡ് കേസുകൾ ഉയരുന്ന സാഹചര്യത്തിൽ സംസ്ഥാനങ്ങൾക്ക് അടിയന്തര നിർദേശങ്ങൾ നൽകി കേന്ദ്ര സർക്കാർ. ആരോഗ്യ രംഗത്തെ അടിസ്ഥാന സൗകര്യങ്ങൾ വർധിപ്പിക്കണം. താത്കാലിക ആശുപത്രികൾ സജ്ജമാക്കാനും നിർദേശം നൽകി. ഇക്കാര്യം ചൂണ്ടിക്കാട്ടി കേന്ദ്ര ആരോഗ്യസെക്രട്ടറി സംസ്ഥാനങ്ങൾക്ക് കത്തയച്ചു.
നേരിയ രോഗലക്ഷണങ്ങൾ ഉള്ളവർക്കായി ഹോട്ടൽ മുറികളും മറ്റും മാറ്റിവയ്ക്കണം. വീട്ടിൽ സ്വയം നിരീക്ഷണത്തിൽ കഴിയുന്നവർ നിർദേശങ്ങൾ കർശനമായി പാലിക്കുന്നുണ്ട് എന്നുറപ്പു വരുത്തണം. വീടുകളിലെ നിരീക്ഷണം ഉറപ്പാക്കാൻ പ്രത്യേക സംഘങ്ങളെ നിയോഗിക്കണം.
ജില്ലാ തലത്തിൽ കണ്ട്രോൾ റൂമുകൾ തുറക്കണം. കൃത്യമായ ആംബുലൻസ് സേവനം ഉറപ്പു വരുത്തണം. ഗ്രാമീണ മേഖലയ്ക്കും കുട്ടികൾക്കും പ്രത്യേക പരിഗണന നൽകണമെന്നും കേന്ദ്രം ആരോഗ്യ മന്ത്രാലയം നിർദേശിച്ചു.
കോവിഡ് കുതിപ്പിൽ; ആശുപത്രി സൗകര്യങ്ങൾ വർധിപ്പിക്കണമെന്ന് കേന്ദ്രം
08:14 PM Jan 01, 2022 | Deepika.com