ഓട്ടോ-ടാക്സി പണിമുടക്ക് മാറ്റിവച്ചു
12:57 AM Dec 30, 2021 | Deepika.com
തിരുവനന്തപുരം: ഇന്നു നടത്താനിരുന്ന ഓട്ടോ-ടാക്സി പണിമുടക്ക് മാറ്റിവച്ചു. സംയുക്ത സമരസമിതി നേതാക്കൾ ഗതാഗതമന്ത്രി ആന്റണി രാജുവുമായി നടത്തിയ ചർച്ചയെത്തുടർന്നാണ് പണിമുടക്ക് മാറ്റിവച്ചത്. ഒരു മാസത്തിനുള്ളിൽ നിരക്കു വർധന ഏർപ്പെടുത്തണമെന്നതടക്കം യൂണിയനുകൾ ഉന്നയിച്ച ആവശ്യങ്ങളിൽ നടപടികൾ കൈക്കൊള്ളുമെന്ന് മന്ത്രി ചർച്ചയിൽ ഉറപ്പു നൽകി.