യു​വ​തി കൊ​ല്ല​പ്പെ​ട്ട സം​ഭ​വം: സ​ഹോ​ദ​രി ഓ​ടി​പ്പോ​കു​ന്ന ദൃ​ശ്യ​ങ്ങ​ൾ ല​ഭി​ച്ചു

പ​റ​വൂ​ർ: തീ ​പി​ടി​ച്ച വീ​ടി​നു​ള്ളി​ൽ യു​വ​തി​യെ മ​രി​ച്ച​നി​ല​യി​ൽ ക​ണ്ടെ​ത്തിയ സംഭവത്തിൽ കാണാതായ സഹോദരിക്കായി പോലീസ് തെരച്ചിൽ തുടരുന്നു. പെ​രു​വാ​രം പ​നോ​ര​മ ന​ഗ​ർ അ​റ​യ്ക്ക​പ്പ​റ​ന്പി​ൽ (പ്ര​സാ​ദം) ശി​വാ​ന​ന്ദ​ന്‍റെ വീ​ട്ടി​ൽ ഇ​ന്ന​ലെ ഉ​ച്ച​ക​ഴി​ഞ്ഞ് മൂ​ന്നി​നാ​യി​രു​ന്നു സം​ഭ​വം. മൃ​ത​ദേ​ഹം പൂ​ർ​ണ​മാ​യി ക​ത്തി​ക്ക​രി​ഞ്ഞ നി​ല​യി​ലാ​യ​തി​നാ​ൽ മ​രി​ച്ച​താ​രെ​ന്നു വ്യക്തമായിരുന്നില്ല.

ശി​വാ​ന​ന്ദ​ന്‍റെ പെ​ണ്‍​മ​ക്ക​ളാ​യ വി​സ്മ​യ (25), ജി​ത്തു (22) എ​ന്നി​വ​രാ​യി​രു​ന്നു സം​ഭ​വ​ സ​മ​യം വീ​ട്ടി​ലു​ണ്ടാ​യി​രു​ന്ന​ത്. ഇ​തി​ൽ വിസ്മയ ആണ് മരിച്ചതെന്നു കരുതുന്നു. മൃതദേഹത്തിലെ മാലയിൽനിന്നു ലഭിച്ച ലോക്കറ്റ് അടിസ്ഥാനമാക്കി മാതാപിതാക്കളാണ് മരിച്ചതു വിസ്മയ ആണെന്ന് പറയുന്നത്.

സ്ഥിരീകരിക്കാൻ ഡിഎൻഎ പരിശോധന നടത്തും. അതേസമയം, സഹോദരി ജിത്തുവിനെ കാ​ണാ​നി​ല്ല. ജിത്തുവാണ് കൊലപാതകത്തിനു പിന്നിലെന്നാണ് പോലീസ് നിഗമനം. ജിത്തുവിന്‍റെ പ്രണയത്തെ എതിർ‌ത്തതാണ് പ്രകോപനം എന്നും സൂചനയുണ്ട്. സംഭവശേഷം ജിത്തു ഓടിപ്പോകുന്ന ദൃശ്യങ്ങൾ പോലീസിനു ലഭിച്ചിട്ടുണ്ട്.

വിസ്‌മയയുടെ മൊബൈൽ ഫോണും എടുത്തിട്ടാണ് ജിത്തു കടന്നുകളഞ്ഞത്. ഈ മൊബൈൽ ഫോൺ ലൊക്കേഷന്‍റെ അടിസ്ഥാനത്തിലാണ് ഇവർക്കായി തെരച്ചിൽ നടക്കുന്നത്.

ഡിഎൻഎ പരിശോധന

മൃ​ത​ദേ​ഹ​ത്തി​ലെ മാ​ല​യു​ടെ ലോ​ക്ക​റ്റ് നോ​ക്കി മൂ​ത്ത​മ​ക​ൾ വി​സ്മ​യ​യാ​ണു മ​രി​ച്ച​തെ​ന്നു മാ​താ​പി​താ​ക്ക​ൾ പ​റ​യു​ന്നു​ണ്ടെ​ങ്കി​ലും സ്ഥി​രീ​ക​രി​ച്ചി​ട്ടി​ല്ല. ഇ​ള​യ മ​ക​ൾ ജി​ത്തു​വി​നെ ക​ണ്ടെ​ത്തു​ക​യോ, മൃ​ത​ദേ​ഹ​ത്തി​ന്‍റെ ഡി​എ​ൻ​എ പ​രി​ശോ​ധ​ന ന​ട​ത്തു​ക​യോ ചെ​യ്യാ​തെ ഇ​ക്കാ​ര്യ​ത്തി​ൽ ഉ​റ​പ്പ് പ​റ​യാ​നാ​കി​ല്ലെ​ന്നാ​ണ് പോ​ലീ​സ് നി​ല​പാ​ട്. വീ​ടി​ന്‍റെ ര​ണ്ടു മു​റി​ക​ൾ പൂ​ർ​ണ​മാ​യി ക​ത്തി​ന​ശി​ച്ചു. സം​ഭ​വ​ത്തി​ൽ ദു​രൂ​ഹ​ത​യു​ണ്ടെ​ന്നു പോ​ലീ​സ് പ​റ​ഞ്ഞു.

പോ​ലീ​സ് പ​റ​യു​ന്ന​തിങ്ങനെ

ശി​വാ​ന​ന്ദ​നും ഭാ​ര്യ ജി​ജി​യും ഡോ​ക്ട​റെ കാ​ണാ​ൻ പു​റ​ത്തു​പോ​യ സ​മ​യ​ത്താ​ണു സം​ഭ​വം. ര​ണ്ടാ​മ​ത്തെ മ​ക​ൾ ജി​ത്തു ര​ണ്ടു മാ​സ​മാ​യി മാ​ന​സി​കാ​സ്വാ​സ്ഥ്യ​ത്തി​നു ചി​കി​ത്സ​യി​ലാ​ണ്. ഉ​ച്ച​യ്ക്ക് 12ഓ​ടെ മൂ​ത്ത​മ​ക​ൾ വി​സ്മ​യ അ​മ്മ​യെ വി​ളി​ച്ച് എ​പ്പോ​ൾ വ​രു​മെ​ന്നു തി​ര​ക്കി​യി​രു​ന്നു. ര​ണ്ടു മ​ണി​ക്കു വീ​ണ്ടും വി​ളി​ച്ചു. മൂ​ന്നി​നു വീ​ടി​ന​ക​ത്തു​നി​ന്നു പു​ക ഉ​യ​രു​ന്ന​ത് അ​യ​ൽ​വാ​സി​ക​ളു​ടെ ശ്ര​ദ്ധ​യി​ൽ​പ്പെ​ട്ടു.

പോ​ലീ​സും അ​ഗ്നി​ര​ക്ഷാ സേ​ന​യും എ​ത്തി​യ​പ്പോ​ൾ വീ​ടി​ന്‍റെ ഗേ​റ്റ് അ​ക​ത്തു​നി​ന്നു പൂ​ട്ടി​യ നി​ല​യി​ലാ​യി​രു​ന്നു. മു​ൻ​വ​ശ​ത്തെ വാ​തി​ൽ തു​റ​ന്നു​കി​ട​ന്നി​രു​ന്നു. ക​ത്തി​ന​ശി​ച്ച ര​ണ്ട് മു​റി​ക​ളി​ൽ ഒ​ന്നി​ലാ​ണു മൃ​ത​ദേ​ഹം കി​ട​ന്നി​രു​ന്ന​ത്. വാ​തി​ലി​ന്‍റെ ക​ട്ടി​ള​യി​ൽ ര​ക്ത​പ്പാ​ടു​ക​ളു​ണ്ടാ​യി​രു​ന്നു. വീ​ടി​നു​ള്ളി​ൽ മ​ണ്ണെ​ണ്ണ​യു​ടെ ഗ​ന്ധ​വും അ​നു​ഭ​വ​പ്പെ​ട്ടു.

വി​സ്മ​യ​യു​ടെ ഫോൺ

ഇ​രു​ച​ക്ര വാ​ഹ​ന​ത്തി​ൽ മ​ത്സ്യ​വി​ല്പന ന​ട​ത്തു​ന്ന​യാ​ളാ​ണു ശി​വാ​ന​ന്ദ​ൻ. വി​സ്മ​യ ബി​ബി​എ​യും എയർഹോസ്റ്റസ് കോഴ്സും ജി​ത്തു ബി​എ​സ്‌സി​യും പൂ​ർ​ത്തി​യാ​ക്കി​യ​വ​രാ​ണ്. ഒ​രാ​ഴ്ച മു​ൻ​പു ശി​വാ​ന​ന്ദ​നെ വീ​ട്ടി​ൽ പൂ​ട്ടി​യി​ട്ടു ജി​ത്തു പു​റ​ത്തേ​ക്ക് ഇ​റ​ങ്ങി​പ്പോ​യ സം​ഭ​വ​മു​ണ്ടാ​യി​രു​ന്നു.

വി​സ്മ​യ​യു​ടെ മൊ​ബൈ​ൽ ഫോ​ണ്‍ വീ​ട്ടി​ൽ​നി​ന്നു കാ​ണാ​താ​യി​ട്ടു​ണ്ട്. ഇ​ന്ന​ലെ വൈ​കി​ട്ട് ആ​റോ​ടെ ഞാറയ്ക്കൽ ഭാ​ഗ​ത്ത് ട​വ​ർ ലൊ​ക്കേ​ഷ​ൻ ല​ഭി​ച്ചെങ്കിലും പിന്നീട് ഫോൺ സ്വിച്ച് ഓഫായി.

വീട്ടിൽ സിസിടിവി

സംഭവം നടന്ന വീ​ട്ടി​ൽ സി​സിടി​വി സ്ഥാ​പി​ച്ചി​ട്ടു​ണ്ട്. തീ​പി​ടിത്ത​ത്തി​ൽ ഇ​തി​ന്‍റെ ക​ണ​ക്ഷ​ൻ വി​ച്ഛേ​ദി​ക്ക​പ്പെ​ട്ടെ​ങ്കി​ലും തീ ​പ​ട​രു​ന്ന​തി​നു മു​മ്പു​ള്ള ദൃ​ശ്യ​ങ്ങ​ൾ ഹാ​ർ​ഡ് ഡി​സ്ക്കി​ൽ ഉ​ണ്ടാ​കു​മെ​ന്നാ​ണ് പോലീസ് ക​രു​തു​ന്ന​ത്. തീപി​ടിത്ത​മു​ണ്ടാ​യി ഏ​റെ താ​മ​സി​യാ​തെ യുവതി ര​ക്ഷ​പ്പെ​ട്ടു സു​ര​ക്ഷി​ത സ്ഥാ​ന​ത്ത് എ​ത്തി​യെ​ങ്കി​ൽ ഇ​തി​ന് ആ​രു​ടെ എ​ങ്കി​ലും സ​ഹാ​യം പുറത്തുനിന്നു ല​ഭി​ച്ചോ എ​ന്നും പോ​ലീ​സ് അ​ന്വേ​ഷി​ക്കു​ന്നു​ണ്ട്.

പോലീസ് കസ്റ്റഡിയിൽ യുവാവ്

സം​ഭ​വ​ത്തി​ൽ ജി​ത്തു​വു​മാ​യി അ​ടു​പ്പ​മു​ള്ള ന​ഗ​ര​ത്തി​ലെ ഒ​രു വ്യാ​പാ​ര സ്ഥാ​പ​ന​ത്തി​ൽ ജോ​ലി ചെ​യ്യു​ന്ന യു​വാ​വി​നെ പോ​ലീ​സ് ക​സ്റ്റ​ഡി​യി​ൽ എ​ടു​ത്ത​താ​യി അ​റി​യു​ന്നു. ഡി​ഗ്രി​പ​ഠ​ന സ​മ​യ​ത്താണ് യു​വാ​വു​മാ​യി ജിത്തു പ്രണയത്തിലായത്. എന്നാൽ, കൊലപാതകവുമായി ബന്ധമില്ലെന്നാണ് ഇയാൾ മൊഴി നൽകിയിരിക്കുന്നത്.

തീപിടിത്തമുണ്ടായ വീട്ടിൽ വി​ര​ല​ട​യാ​ള വി​ദ​ഗ്ധ​ർ എത്തി പ​രി​ശോ​ധ​ന ന​ട​ത്തി. ഇ​ൻ​ക്വ​സ്റ്റ് ന​ട​ത്തി​യ​ശേ​ഷം മൃ​ത​ദേ​ഹം എ​റ​ണാ​കു​ളം മെ​ഡി​ക്ക​ൽ കോ​ള​ജി​ലേ​ക്കു മാ​റ്റി.