കോട്ടയം: ക്രിസ്മസ് ദിനത്തിൽ ബൈക്ക് പാലത്തിന്റെ കൈവരിയിൽ ഇടിച്ച് യുവാവിന് ദാരുണാന്ത്യം. കോട്ടയം മണർകാടിന് സമീപം മാലത്താണ് സംഭവം. മണർകാട് കാവുംപടി സ്വദേശി ടി.സി. അരവിന്ദ് (22) ആണ് മരിച്ചത്. ശനിയാഴ്ച രാത്രി നടന്ന സംഭവം ഇന്ന് പുലർച്ചെയാണ് പുറത്തറിഞ്ഞത്.
മാലം ജംഗ്ഷനിലെ പാലത്തിൽ രാത്രി 12ഓടെയാണ് അപകടം നടന്നത്. പാലത്തിന്റെ കൈവരിയിൽ ഇടിച്ചാണ് ബൈക്ക് മറിഞ്ഞത്. തുടർന്ന് പത്തടി താഴ്ചയുള്ള തോട്ടിലേക്ക് അരവിന്ദ് വീണു. രാത്രിയായതിനാൽ ആരും സംഭവം അറിഞ്ഞില്ല. ഇന്ന് രാവിലെയാണ് അപകടം നാട്ടുകാരുടെ ശ്രദ്ധയിൽപ്പെട്ടത്.
തുടർന്ന് നടത്തിയ തെരച്ചിലിൽ അരവിന്ദിന്റെ മൃതദേഹം കണ്ടെത്തി. പോലീസ് എത്തി മേൽനടപടി സ്വീകരിച്ചു.
ബൈക്ക് പാലത്തിലിടിച്ച് യുവാവ് മരിച്ചു; രാത്രി നടന്ന സംഭവം പുറത്തറിഞ്ഞത് പുലർച്ചെ
10:23 AM Dec 26, 2021 | Deepika.com