തിരുവനന്തപുരം: മലയാളത്തിന് മികച്ച ചിത്രങ്ങൾ സംഭാവന ചെയ്തുവെന്നത് മാത്രമല്ല പിൽക്കാലത്ത് സിനിമയ്ക്ക് മുതൽക്കൂട്ടായി മാറിയ പ്രശസ്ത നടന്മാരേയും മലയാളത്തിന് പരിചയപ്പെടുത്തിയത് കെ.എസ് സേതുമാധവനാണ്.
മമ്മൂട്ടി ആദ്യമായി കാമറയെ അഭിമുഖീകരിക്കുന്നത് സേതുമാധവൻ സംവിധാനം ചെയ്ത "അനുഭവങ്ങൾ പാളിച്ചകൾ' എന്ന ചിത്രത്തിനു വേണ്ടിയാണ്. കമൽഹാസനെ ആദ്യമായി മലയാള ചിത്രത്തിൽ അഭിനയിപ്പിക്കുന്നതും സേതുമാധവനാണ്. "കണ്ണും കരളും' എന്ന ചിത്രത്തിൽ സത്യന്റെ മകനായിട്ടാണ് കമൽ മലയാളത്തിലെത്തുന്നത്.
പിന്നീട് "കന്യാകുമാരി' എന്ന ചിത്രത്തിൽ കമൽഹാസനെ മലയാളത്തിൽ ആദ്യമായി നായകനായി അവതരിപ്പിച്ചതും സേതുമാധവനാണ്. സുരേഷ് ഗോപി ആദ്യമായി ബാലതാരമായി സിനിമയിലെത്തുന്നതും സേതുമാധവൻ സംവിധാനം ചെയ്ത "ഓടയിൽ നിന്ന്' എന്ന ചിത്രത്തിലൂടെയാണ്.
സൂപ്പർ താരങ്ങളെ കൈപിടിച്ചുയർത്തിയ സേതുമാധവൻ
12:41 PM Dec 24, 2021 | Deepika.com