കോഴിക്കോട്: പ്രണയവിവാഹവുമായി ബന്ധപ്പെട്ട് യുവാവിനെതിരെ ക്വട്ടേഷൻ നൽകിയ ദമ്പതികൾ ഉൾപ്പടെ ഏഴ് പേർ അറസ്റ്റിൽ. കോഴിക്കോട് പാലോർമല സ്വദേശിനിയായ യുവതിയുടെ അമ്മ അജിത, പിതാവ് അനിരുദ്ധൻ എന്നിവരുൾപ്പടെയാണ് അറസ്റ്റിലായത്.
അനിരുദ്ധന്റെയും അജിതയുടെയും മകളും ഒരു യുവാവും പ്രണയിച്ചു വിവാഹം കഴിച്ചികുന്നു. ഈ വിവാഹത്തിന് സഹായിച്ച റിനീഷ് എന്ന യുവാവിനു നേരെയാണ് ആക്രമണമുണ്ടായത്.
കോവൂരിലെ ടെക്സ്റ്റൈല് സ്ഥാപനം അടച്ച് സ്കൂട്ടറില് വീട്ടിലേക്ക് വരുമ്പോള് വീടിന് മുന്വശത്തുവെച്ചായിരുന്നു അക്രമം.
റിനീഷ് അല്ലേ എന്ന് ചോദിച്ച ശേഷം ഹെല്മറ്റ് അഴിക്കാന് പറയുകയും പിന്നാലെ ഇരുമ്പ് ദണ്ഡുകൊണ്ട് തലയ്ക്ക് അടിച്ചെന്നുമായിരുന്നു പരാതി. അക്രമം ചെറുക്കാന് ശ്രമിച്ചപ്പോള് കൈകള്ക്കും പരിക്കേറ്റു. ഗുരുതരമായി പരിക്കേറ്റ റിനീഷിനെ പിന്നീട് ആശുപത്രിയില് പ്രവേശിപ്പിച്ചു.
പ്രണയവിവാഹത്തിന് സഹായിച്ചു; യുവാവിനെതിരെ ക്വട്ടേഷൻ നൽകിയവർ അറസ്റ്റിൽ
12:25 PM Dec 24, 2021 | Deepika.com