ചെന്നൈ: രാജീവ് ഗാന്ധി വധക്കേസിലെ പ്രതി നളിനി ശ്രീഹരന് ഇന്ന് പരോളിൽ പുറത്തിറങ്ങും. രോഗബാധിതയായ അമ്മയെ പരിചരിക്കുന്നതിനായി ഒരുമാസത്തെ പരോൾ ആണ് നളിനിക്ക് അനുവദിച്ചത്.
മകൾക്ക് പരോൾ നൽകണമെന്ന് അഭ്യര്ഥിച്ച് അമ്മ പദ്മ അപേക്ഷ സമർപ്പിച്ചിരുന്നു. ഇതേതുടർന്ന് നളിനിക്ക് ഒരു മാസത്തെ പരോൾ അനുവദിച്ചതായി സ്റ്റേറ്റ് പബ്ലിക് പ്രോസിക്യൂട്ടർ ഹസൻ മുഹമ്മദ് ജിന്ന വ്യാഴാഴ്ച മദ്രാസ് ഹൈക്കോടതിയെ അറിയിച്ചിരുന്നു.
വെല്ലൂരിലെ വീട്ടിൽ കുടുംബാംഗങ്ങളോടൊപ്പം നളിനിക്കു താമസിക്കാം. ഇതു രണ്ടാം തവണയാണ് ഇവർക്കു പരോൾ ലഭിക്കുന്നത്.
നളിനി ശ്രീഹരന് പരോൾ; ഇന്ന് പുറത്തിറങ്ങും
09:47 AM Dec 24, 2021 | Deepika.com