ക്രിസ്മസിന്റെയും പുതുവത്സരത്തിന്റെയും ഈ സന്തോഷനാളിലും ആക്കാട്ടയിൽ ജോസ്മോനും കുടുംബവും ദുഃഖത്തിലും ദാരിദ്യ്രത്തിലുമാണ്. അപ്രതീക്ഷിതമായി സംഭവിച്ച അപകടമാണ് ജോസ്മോനെ ശയ്യയിലാക്കിയത്.
മൂന്ന് വർഷം മുൻപ് വരെ ജോലി ചെയ്ത് കുടുംബം പോറ്റിയിരുന്ന യുവാവ് ഇന്ന് ശരീരം തളർന്ന് കിടപ്പിലാണ്. മരംമുറിക്കുന്നതിനിടെ സംഭവിച്ച അപകടം വഴി തലച്ചോറിന് ക്ഷതമേറ്റ് ശരീരം തളർന്നുപോവുകയായിരുന്നു.
മൂന്ന് വർഷത്തിനിടയിലെ ചികിത്സയ്ക്കായി ചിലവായത് 24 ലക്ഷം രൂപ. ഇതോടെ കുടുംബം വഴിയാധാരമായി. നിലവിൽ നിത്യചിലവിന് പോലും പണം കണ്ടെത്താൻ കഴിയാതെ കുടുംബം വിഷമിക്കുന്നതിനാൽ യുവാവിന്റെ ചികിത്സയും മുടങ്ങി. ഫിസിയോതെറാപ്പി മുടങ്ങിയതിനാൽ കൈകാലുകൾ ചുരുണ്ടുപോകുന്ന അവസ്ഥയിലാണ്.
തളർന്നുപോയ ഭർത്താവിനൊപ്പം എപ്പോഴും നിൽക്കേണ്ടതിനാൽ ഭാര്യ ടിനുവിനും എവിടെയും പോകാൻ കഴിയില്ല. ദമ്പതികളുടെ മൂത്ത കുട്ടിയുടെ കാലുകൾ ജ·നാ വളഞ്ഞുപോയ നിലയിലാണ്. പിതാവ് കിടപ്പിലായതോടെ കുട്ടിയുടെ ചികിത്സയും മുടങ്ങി.
കിടപ്പാടം പോലും സ്വന്തമായില്ലാത്ത കുടുംബം ചികിത്സയ്ക്കും നിത്യചിലവിനും പണമില്ലാതെ വന്നതോടെ സുമനസുകളുടെ മുന്നിൽ കൈനീട്ടുകയാണ്, സഹായിക്കുമെന്ന പ്രതീക്ഷയോടെ....
ജോസ്മോനുള്ള സഹായം Deepika Charitable Turst നു South India Bank ന്റെ കോട്ടയം ശാഖയിലുള്ള അക്കൗണ്ടിലേക്ക് അയയ്ക്കാം.
അക്കൗണ്ട് നന്പർ: 00370730 00003036
IFSC Code: SIBL 0000037
ദീപിക ചാരിറ്റബിൾ ട്രസ്റ്റിന്റെ പേരിൽ പണം അയയ്ക്കുന്പോൾ ആ വിവരം charity@deepika.com ലേക്ക് ഇമെയിൽ ആയോ (91) 93495 99068 ലേക്ക് എസ്എംഎസ് ആയോ അറിയിക്കണം. സംശയങ്ങൾക്ക് ബന്ധപ്പെടുക, ഫോൺ: (91) 93495 99068.
ചാരിറ്റി വിവരങ്ങൾക്ക്..
ജോസ്മോൻ രോഗശയ്യയിൽ; സഹായിക്കുമോ ?
07:31 PM Dec 23, 2021 | Deepika.com