രോ​ഗി​യു​ടെ കൂ​ട്ടി​രി​പ്പു​കാ​ര​നെ മ​ർ​ദ്ദി​ച്ച കേ​സ്: ര​ണ്ടു സു​ര​ക്ഷാ ജീ​വ​ന​ക്കാ​ർ അ​റ​സ്റ്റി​ൽ

തി​രു​വ​ന​ന്ത​പു​രം: മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ൽ ക​ഴി​യു​ന്ന രോ​ഗി​യു​ടെ കൂ​ട്ടി​രിപ്പു​കാ​ര​നെ മ​ർ​ദ്ദി​ച്ച സം​ഭ​വ​ത്തി​ൽ ര​ണ്ടു സു​ര​ക്ഷാ ജീ​വ​ന​ക്കാ​രെ പോ​ലീ​സ് അ​റ​സ്റ്റ് ചെ​യ്തു. സ്വ​കാ​ര്യ ഏ​ജ​ൻ​സി​യി​ലെ സു​ര​ക്ഷാ ജീ​വ​ന​ക്കാ​രാ​യ ര​തീ​ഷ്, വി​ഷ്ണു എ​ന്നി​വ​രാ​ണ് അ​റ​സ്റ്റി​ലാ​യ​ത്.

വെ​ള്ളി​യാ​ഴ്ച രാ​വി​ലെ 11-നാ​യി​രു​ന്നു സം​ഭ​വം. ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന മു​ത്ത​ശ്ശി​ക്ക് കൂ​ട്ടി​രി​പ്പി​ന് വ​ന്ന അ​രു​ണ്‍​ദേ​വ് (28) എ​ന്ന യു​വാ​വി​നാ​ണ് മ​ർ​ദ്ദ​ന​മേ​റ്റ​ത്. ആ​ശു​പ​ത്രി​യി​ലെ പ​ഴ​യ അ​ത്യാ​ഹി​ത വി​ഭാ​ഗ​ത്തി​ന് സ​മീ​പ​ത്തു​കൂ​ടി യു​വാ​വ് ഉ​ള്ളി​ലേ​ക്ക് പ്ര​വേ​ശി​ക്കാ​ൻ ശ്ര​മി​ച്ച​പ്പോ​ൾ സു​ര​ക്ഷാ ജീ​വ​ന​ക്കാ​ർ ത​ട​ഞ്ഞ​താ​ണ് ത​ർ​ക്ക​ത്തി​നും മ​ർ​ദ്ദ​ന​ത്തി​നും കാ​ര​ണ​മാ​യ​ത്.

അ​ത്യാ​വ​ശ്യ​മാ​യ​തി​നാ​ൽ ക​ട​ത്തി​വി​ട​ണ​മെ​ന്നും പ​രി​ശോ​ധ​നാ ഫ​ലം ഡോ​ക്ട​റെ കാ​ണി​ക്കാ​നാ​ണെ​ന്നും യു​വാ​വ് പ​റ​ഞ്ഞെ​ങ്കി​ലും ജീ​വ​ന​ക്കാ​ർ അ​നു​വ​ദി​ച്ചി​ല്ല. പി​ന്നീ​ട് യു​വാ​വി​ന്‍റെ പ്ര​വേ​ശ​ന പാ​സ് സു​ര​ക്ഷാ ജീ​വ​ന​ക്കാ​ർ കീ​റി​ക്ക​ള​യു​ക​യും ചെ​യ്തു. സം​ഭ​വ​ത്തി​ന്‍റെ ദൃ​ശ്യ​ങ്ങ​ൾ ന​വ​മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു.

യു​വാ​വ് മെ​ഡി​ക്ക​ൽ കോ​ള​ജ് പോ​ലീ​സി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് സു​ര​ക്ഷാ ജീ​വ​ന​ക്കാ​രെ അ​റ​സ്റ്റ് ചെ​യ്ത​ത്. യു​വാ​വ് ആ​ക്ര​മി​ച്ചു​വെ​ന്ന് കാ​ട്ടി സു​ര​ക്ഷാ ജീ​വ​ന​ക്കാ​രും പ​രാ​തി ന​ൽ​കി​യി​ട്ടു​ണ്ട്. അ​തി​നി​ടെ ഇ​ന്ന് പു​ല​ർ​ച്ചെ യു​വാ​വി​ന്‍റെ മു​ത്ത​ശ്ശി മ​ര​ണ​ത്തി​ന് കീ​ഴ​ട​ങ്ങി. മൃ​ത​ദേ​ഹം ന​ട​പ​ടി​ക്ര​മ​ങ്ങ​ൾ​ക്ക് ശേ​ഷം ബ​ന്ധു​ക്ക​ൾ​ക്ക് വി​ട്ടു​ന​ൽ​കി.