പത്തനംതിട്ട: കനത്ത മഴയെത്തുടർന്ന് ശബരിമലയിൽ ഭക്തർക്ക് ഏർപ്പെടുത്തിയിരുന്ന താത്കാലിക നിയന്ത്രണം അധികൃതർ പിൻവലിച്ചു. രാവിലെ മഴയുടെ ശക്തി കുറഞ്ഞ് മാനംതെളിഞ്ഞതോടെയാണ് വീണ്ടും ഭക്തരെ പ്രവേശിപ്പിച്ച് തുടങ്ങിയത്. നിലവിൽ സന്നിധാനത്തും ശബരിമലയുടെ പരിസര പ്രദേശങ്ങളിലും മഴയില്ല.
വെള്ളിയാഴ്ച ഉച്ചയ്ക്ക് ശേഷം കനത്ത മഴ പെയ്തതോടെ പമ്പയിൽ ജലനിരപ്പ് അപകടനിലയിലേക്ക് ഉയർന്നിരുന്നു. തുടർന്നാണ് ഇന്ന് ഒരു ദിവസത്തേക്ക് ശബരിമല ദർശനത്തിന് ജില്ലാ ഭരണകൂടം വിലക്ക് ഏർപ്പെടുത്തിയത്. പമ്പയിൽ ഒഴുക്ക് ശക്തമായതോടെ റെഡ് അലർട്ടും പ്രഖ്യാപിച്ചിരുന്നു.
വെർച്വർ ക്യൂ വഴി ബുക്ക് ചെയ്ത് ദർശനത്തിന് യാത്ര തിരിച്ചവർ അതാത് സ്ഥലത്ത് തങ്ങാനാണ് ജില്ലാ ഭരണകൂടം നിർദ്ദേശിച്ചിരുന്നത്. രാവിലെ കാലാവസ്ഥ അനുകൂലമായതോടെ ഇന്ന് രാവിലെ മുതൽ വീണ്ടും ഭക്തരെ പ്രവേശിപ്പിച്ച് തുടങ്ങി.
മാനം തെളിഞ്ഞു; ശബരിമലയിലെ നിയന്ത്രണങ്ങൾ നീക്കി
09:49 AM Nov 20, 2021 | Deepika.com