കോഴിക്കോട്: താമരശേരിയില് വളര്ത്തുനായ്ക്കളുടെ ആക്രമണത്തിൽ വീട്ടമ്മയ്ക്ക് ഗുരുതര പരിക്ക്. അമ്പായത്തോടാണ് സംഭവം. ഫൗസിയക്കാണ് പരിക്കേറ്റത്. ഫൗസിയയെ മെഡിക്കല് കോളജ് ആശുപത്രിയില് പ്രവേശിപ്പിച്ചു.
റോഡ് സൈഡിൽ നിൽക്കുകയായിരുന്ന ഫൗസിയയുടെ ശരീരത്തിലേക്ക് നായ്ക്കൾ ചാടിവീഴുകയായിരുന്നു. ആക്രമണത്തിൽ ഫൗസിയ റോഡിൽ വീണു. ഇതോടെ നായ്ക്കൾ ഇവരുടെ മുഖത്തും ശരീരത്തിലും ആക്രമിച്ചു.
നാട്ടുകാരെത്തിയാണ് ഫൗസിയയെ രക്ഷിച്ചത്. നാട്ടുകാര് നായ്ക്കളെ വടികൊണ്ട് അടിച്ചുവെങ്കിലും അവ പിന്വാങ്ങിയില്ല. ഏറെ നേരത്തെ ശ്രമത്തിനു ശേഷമാണ് നായ്ക്കളുടെ ആക്രമണത്തില് നിന്നും ഫൗസിയയെ രക്ഷിക്കാന് നാട്ടുകാര്ക്ക് സാധിച്ചത്.
സംഭവത്തിൽ മൂന്ന് നായ്ക്കളുടെ ഉടമയായ റോഷനെ പോലീസ് കസ്റ്റഡിയിലെടുത്തു. നായ്ക്കള് നേരത്തെയും ആളുകളെ ആക്രമിച്ചിട്ടുണ്ടെന്ന് നാട്ടുകാര് ആരോപിച്ചു.
താമരശേരിയിൽ വളർത്തുനായ്ക്കളുടെ ആക്രമണത്തിൽ വീട്ടമ്മയ്ക്ക് ഗുരുതര പരിക്ക്
12:19 PM Nov 14, 2021 | Deepika.com