ബംഗളൂരു: കർണാടകയിൽ മതപരിവർത്തന വിരുദ്ധ നിയമം ഉടൻ നടപ്പാക്കുമെന്ന് മുഖ്യമന്ത്രി ബസവരാജ് ബൊമ്മൈ. ഇതേക്കുറിച്ച് സംസ്ഥാന സർക്കാർ പഠിക്കുകയാണെന്നും ഉടൻ തന്നെ മതപരിവർത്തന വിരുദ്ധ നിയമം രൂപീകരിക്കുമെന്നും അദ്ദേഹം വ്യക്തമാക്കി.
മതപരിവർത്തനം നിരോധിക്കണമെന്ന് ആവശ്യപ്പെട്ട് സമീപിച്ച സന്യാസിമാരുമായുള്ള കൂടിക്കാഴ്ചയക്കു ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. വിവിധ ഹൈന്ദവ മത സംഘടനകളിലെ 50 ലധികം പ്രതിനിധികൾ ബൊമ്മൈയെ കാണുകയും നിയമത്തിന്റെ ആവശ്യകതയെക്കുറിച്ച് ചർച്ച ചെയ്യുകയും ചെയ്തുവെന്ന് പരിപാടി സംഘടിപ്പിച്ച ഹിന്ദു ജനജാഗ്രതി സമിതി കൺവീനർ മോഹന ഗൗഡ പറഞ്ഞു.
കർണാടകയിൽ സ്കൂളുകളും ആശുപത്രികളും കേന്ദ്രീകരിച്ച് മതപരിവർത്തനം നടക്കുന്നുണ്ടെന്നും അദ്ദേഹം ആരോപിച്ചു.
മതപരിവർത്തന വിരുദ്ധനിയമം ഉടൻ നടപ്പാക്കുമെന്ന് കർണാടക മുഖ്യമന്ത്രി
11:42 PM Nov 12, 2021 | Deepika.com