മുംബൈ: കൊച്ചി ബ്യൂട്ടി പാര്ലര് വെടിവയ്പ്പ് കേസില് ഒരാള് കൂടി അറസ്റ്റില്. കാസര്ഗോഡ് സ്വദേശി യൂസഫ് സിയ (ജിയ) ആണ് അറസ്റ്റിലായത്. ഭീകര വിരുദ്ധ സ്ക്വാഡ് ആണ് ഇയാളെ പിടികൂടിയത്.
ഒളിവില് കഴിഞ്ഞിരുന്ന ഇയാള് വ്യാജ പാസ്പോര്ട്ട് ഉപയോഗിച്ച് വിദേശത്തേക്കുകടക്കാന് ശ്രമിക്കുന്നതിനിടയിൽ മുംബൈ വിമാനത്താവളത്തിലാണ് അറസ്റ്റിലായത്.
കേസിലെ പ്രതിയും രാജ്യാന്തര കുറ്റവാളിയുമായ രവി പൂജാരിക്ക് ക്വട്ടേഷന് നല്കിയത് സിയയാണ്. ഇയാളുടെ നിര്ദേശപ്രകാരമാണ് നടി ലീനാ മരിയ പോളിനെ ഭീഷണിപ്പെടുത്തിയതെന്ന് രവി പൂജാരി പോലീസിന് മൊഴി നല്കിയിരുന്നു.
2018 ഡിസംബര് 15 നാണ് കൊച്ചി കടവന്ത്രയില് നടി ലീന മരിയ പോളിന്റെ ബ്യൂട്ടി പാര്ലറില് വെടിവയ്പ്പ് നടന്നത്.
ബ്യൂട്ടി പാര്ലര് വെടിവയ്പ്പ്; യൂസഫ് സിയ അറസ്റ്റില്
04:17 PM Nov 11, 2021 | Deepika.com