ആലപ്പുഴ: ചെങ്ങന്നൂരിൽ ആറ് മാസം പ്രായമായ കുഞ്ഞിനെ വിഷം നൽകി കൊലപ്പെടുത്തിയ ശേഷം മാതാവ് ജീവനൊടുക്കി. അതിഥി (24), കുഞ്ഞുമാണ് മരിച്ചത്.
കഴിഞ്ഞ രാത്രിയായിരുന്നു സംഭവം. അബോധാവസ്ഥയിൽ കണ്ട ഇരുവരെയും ആശുപത്രിയിൽ എത്തിച്ചെങ്കിലും പുലർച്ചയോടെ മരണം സംഭവിക്കുകയായിരുന്നു. പോലീസ് സ്ഥലത്തെത്തി പരിശോധന നടത്തി.
രണ്ടു മാസം മുൻപ് യുവതിയുടെ ഭർത്താവ് സൂര്യൻ നമ്പൂതിരി കോവിഡ് ബാധിച്ച് മരിച്ചിരുന്നു. ഇതിന് ശേഷം യുവതി കടുത്ത മാനസിക വിഷമത്തിലായിരുന്നുവെന്നാണ് പോലീസ് വ്യക്തമാക്കുന്നത്. സംഭവത്തിൽ വിശദമായ അന്വേഷണം നടത്തുമെന്ന് ചെങ്ങന്നൂർ ഡിവൈഎസ്പി അറിയിച്ചു.
ചെങ്ങന്നൂരിൽ കൈക്കുഞ്ഞിനെ കൊലപ്പെടുത്തി അമ്മ ജീവനൊടുക്കി
12:20 PM Nov 09, 2021 | Deepika.com