കൊച്ചി: മള്‍ട്ടി സ്റ്റേറ്റ് കോ -ഓപ്പറേറ്റീവ് സൊസൈറ്റി ആക്ട് പ്രകാരം പ്രവര്‍ത്തിക്കുന്ന സഹകരണ സംഘങ്ങള്‍ അടച്ചു പൂട്ടാന്‍ പോലീസിന് അധികാരമില്ലെന്നും കേന്ദ്ര സഹകരണ സംഘം രജിസ്ട്രാര്‍ക്കാണ് ഇതിന് അധികാരമെന്നും ഹൈക്കോടതി വ്യക്തമാക്കി.
കോയമ്പത്തൂരില്‍ രജിസ്റ്റര്‍ ചെയ്ത വിശ്വദീപ്തി മള്‍ട്ടി സ്റ്റേറ്റ് കാര്‍ഷിക സഹകരണ സംഘത്തിന്‍റെ കോഴിക്കോട്ടെ ശാഖാ ഓഫീസ് പോലീസ് അടച്ചുപൂട്ടിയതിനെതിരേയുള്ള ഹര്‍ജിയില്‍ ജസ്റ്റീസ് ദേവന്‍ രാമചന്ദ്രനാണ് ഇക്കാര്യം പറഞ്ഞത്. എന്നാല്‍ ഹര്‍ജിക്കാര്‍ക്കെതിരേ രജിസ്റ്റര്‍ ചെയ്ത കേസ് അന്വേഷിക്കാന്‍ പോലീസിന് അധികാരമില്ലെന്ന വാദത്തില്‍ ഇടപെടാന്‍ ഹൈക്കോടതി തയാറായില്ല. ഇക്കാര്യത്തില്‍ അഭിപ്രായം പറയുന്നില്ലെന്നും ഹര്‍ജിക്കാര്‍ക്ക് ഉചിതമായ നിയമനടപടികളിലൂടെ ഉത്തരം തേടാന്‍ കഴിയുമെന്നും ഹൈക്കോടതി വ്യക്തമാക്കി.
സഹകരണ സംഘങ്ങള്‍ അടച്ചുപൂട്ടാന്‍ പോലീസിന് അധികാരമില്ലെന്ന് ഹൈക്കോടതി
01:47 AM Nov 09, 2021 | Deepika.com