ശ്രീനഗർ: ജമ്മുകാഷ്മീരിൽ വീണ്ടും ഭീകരാക്രമണം. നാട്ടുകാരനായ ഒരാളെ ഭീകരർ വെടിവച്ചു കൊലപ്പെടുത്തി. ബന്ദിപ്പൊര സ്വദേശിയായ മുഹമ്മദ് ഇബ്രാഹിം ഖാൻ ആണ് കൊല്ലപ്പെട്ടത്.
ശ്രീനഗറിൽ 24 മണിക്കൂറിനിടെ ഉണ്ടാകുന്ന രണ്ടാമത്തെ ഭീകരാക്രമണമാണിത്. ബോഹ്റി കടാൽ മേഖലയിലായിൽ വച്ചായിരുന്നു ആക്രമണം. സംഭവത്തിൽ ജമ്മുകഷ്മീർ പോലീസ് കേസെടുത്ത് അന്വേഷണം ആരംഭിച്ചു.
കഴിഞ്ഞദിവസം ഭീകരരുടെ വെടിയേറ്റ് പോലീസ് കോണ്സ്റ്റബിള് മരിച്ചിരുന്നു. കോണ്സ്റ്റബിള് തൗസീഫ് അഹമ്മദ് (29) ആണ് മരിച്ചത്. ഞായറാഴ്ച രാത്രി എട്ടിന് എസ്ഡി കോളനിയിലെ വീടിന് സമീപത്തുനിന്നാണ് ഭീകരർ നിരായുധനായ പോലീസ് കോണ്സ്റ്റബിളിന് നേരെ വെടിയുതിര്ത്തത്.
വെടിയേറ്റ പോലീസുകാരനെ ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ശ്രീനഗറിൽ വീണ്ടും ഭീകരാക്രമണം; ഒരാൾ കൊല്ലപ്പെട്ടു
11:31 PM Nov 08, 2021 | Deepika.com