കോഴിക്കോട്: വൈരാഗ്യബുദ്ധിയോടെ തന്നോട് പെരുമാറുന്നുവെന്ന കെപിസിസി അധ്യക്ഷൻ കെ. സുധാകരന്റെ ആരോപണത്തിന് മറുപടിയുമായി മുല്ലപ്പള്ളി രാമചന്ദ്രന്. വൈരാഗ്യ ബുദ്ധിയോടെ ആരോടും ഇന്നുവരെ പെരുമാറിയിട്ടില്ല. വിമര്ശനങ്ങളോട് മൗനം പാലിക്കാനാണ് ശ്രമിക്കുന്നതെന്നും അദ്ദേഹം പറഞ്ഞു.
പാര്ട്ടിയുടെ മുന്നോട്ടുള്ള പ്രയാണത്തില് ഒരു തടസവും സൃഷ്ടിക്കാന് പാടില്ലെന്ന് തനിക്ക് നിര്ബന്ധബുദ്ധിയുണ്ട്. തന്റെ മൗനം വാചാലമാണ്. കൂടുതല് പറയിപ്പിക്കാൻ ശ്രമിക്കരുത്. സംഘടനാ തെരഞ്ഞെടുപ്പ് പ്രഖ്യാപിച്ചിട്ട് പുനസംഘടന നടത്തുന്നത് അധാര്മികമാണെന്നും മുല്ലപ്പള്ളി വ്യക്തമാക്കി.
വിമർശനങ്ങളോട് മൗനം പാലിക്കാനാണ് ശ്രമിക്കുന്നതെന്ന് മുല്ലപ്പള്ളി
04:04 PM Nov 07, 2021 | Deepika.com