മണ്ണുത്തി കാര്ഷിക സര്വകലാശാല ഹോസ്റ്റലിൽ വിദ്യാര്ഥിയെ ജീവനൊടുക്കിയ നിലയില് കണ്ടെത്തി. പാലക്കാട് കൊഴിഞ്ഞാമ്പാറ സ്വദേശി മഹേഷ് ആണ് മരിച്ചത്. ഹോസ്റ്റലില് തൂങ്ങി മരിച്ച നിലയിലാണ് മഹേഷിന്റെ മൃതദേഹം കണ്ടെത്തിയത്.
സര്വകലാശാലയിലെ ഒന്നാം വര്ഷ ഹോള്ട്ടിക്കള്ച്ചര് വിദ്യാര്ഥിയാണ് മഹേഷ്. റാഗിംഗില് മനംനൊന്താണ് മഹേഷ് ആത്മഹത്യ ചെയ്തതെന്ന് സഹപാഠികള് ആരോപിച്ചു.
അതേസമയം, ഹോസ്റ്റലില് നിരന്തരം റാഗിംഗ് നടക്കുന്നുണ്ടെന്ന് എസ്എഫ്ഐ ആരോപിച്ചു. നേരത്തെയും ഇത്തരം ആരോപണമുയര്ന്നിരുന്നു. സംഭവത്തില് പോലീസ് അന്വേഷണം ആരംഭിച്ചു.
മണ്ണുത്തി കാർഷിക സർവകലാശാല ഹോസ്റ്റലിൽ വിദ്യാർഥി ജീവനൊടുക്കിയ നിലയിൽ
03:38 PM Nov 07, 2021 | Deepika.com