ചെന്നൈ: മുല്ലപ്പെരിയാറില് ബേബി ഡാമിന് താഴെയുള്ള മരങ്ങള് വെട്ടിനീക്കാന് കേരളം തമിഴ്നാടിന് അനുമതി നല്കിയത് വനം മന്ത്രി എ.കെ. ശശീന്ദ്രൻ അറിയാതെ. ഇതോടെ മന്ത്രി പ്രിൻസിപ്പൽ ചീഫ് കണ്സർവേറ്റർ ഓഫ് ഫോറസ്റ്റിനോട് റിപ്പോർട്ട് തേടി. വനംവകുപ്പ് ഉദ്യോഗസ്ഥൻ ബെന്നിച്ചൻ തോമസ് ആണ് ഇതുസംബന്ധിച്ച ഉത്തരവിറക്കിയത്.
ബേബി ഡാമിന് താഴെയുള്ള 15 മരങ്ങൾ വെട്ടാനാണ് കേരളം അനുമതി നല്കിയത്. തമിഴ്നാടിന്റെ ഈ ആവശ്യം അംഗീകരിച്ച മുഖ്യമന്ത്രി പിണറായി വിജയന് നന്ദി അറിയിച്ച് തമിഴ്നാട് മുഖ്യമന്ത്രി എം.കെ. സ്റ്റാലിന് കത്ത് അയക്കുകയും ചെയ്തു. കേരളവും തമിഴ്നാടും തമ്മിലുള്ള ബന്ധം ശക്തമാകാന് ഈ തീരുമാനം സഹായിക്കുമെന്നും സ്റ്റാലിന് പറഞ്ഞു.
ബേബി ഡാമും എര്ത്ത് ഡാമും ബലപ്പെടുത്താനുള്ള തടസം ഇതോടെ നീങ്ങിയെന്നും സ്റ്റാലിന് അറിയിച്ചിരുന്നു. ബേബി ഡാം ബലപ്പെടുത്തി മുല്ലപ്പെരിയാർ അണക്കെട്ടിൽ ജലനിരപ്പ് 152 അടിയാക്കുമെന്ന് തമിഴ്നാട് മന്ത്രിമാര് പറഞ്ഞിരുന്നു.
തമിഴ്നാട് അറിഞ്ഞിട്ടും മരം മുറിക്കാനുള്ള അനുമതി നൽകിയത് അറിയാതെ മന്ത്രി ശശീന്ദ്രൻ
09:29 PM Nov 06, 2021 | Deepika.com