ചെന്നൈ: മുല്ലപ്പെരിയാറില് ബേബി ഡാമിന് താഴെയുള്ള മരങ്ങള് വെട്ടിനീക്കാന് കേരളം തമിഴ്നാടിന് അനുമതി നല്കി. ബേബി ഡാമിന് താഴെയുള്ള 15 മരങ്ങൾ വെട്ടാനാണ് അനുമതി നല്കിയത്.
തമിഴ്നാടിന്റെ ഈ ആവശ്യം അംഗീകരിച്ച മുഖ്യമന്ത്രി പിണറായി വിജയന് നന്ദി അറിയിച്ച് തമിഴ്നാട് മുഖ്യമന്ത്രി എം.കെ. സ്റ്റാലിന് കത്തയച്ചു. കേരളവും തമിഴ്നാടും തമ്മിലുള്ള ബന്ധം ശക്തമാകാന് ഈ തീരുമാനം സഹായിക്കുമെന്നും സ്റ്റാലിന് പറഞ്ഞു.
ബേബി ഡാമും എര്ത്ത് ഡാമും ബലപ്പെടുത്താനുള്ള തടസം ഇതോടെ നീങ്ങിയെന്നും സ്റ്റാലിന് കൂട്ടിച്ചേർത്തു.
ബേബി ഡാം ബലപ്പെടുത്തി മുല്ലപ്പെരിയാർ അണക്കെട്ടിൽ ജലനിരപ്പ് 152 അടിയാക്കുമെന്ന് തമിഴ്നാട് മന്ത്രിമാര് പറഞ്ഞിരുന്നു.
മുല്ലപ്പെരിയാറിൽ മരങ്ങള് വെട്ടാൻ അനുമതി നൽകി കേരളം; നന്ദി പറഞ്ഞ് സ്റ്റാലിന്
08:49 PM Nov 06, 2021 | Deepika.com