കോഴിക്കോട്: എംഎസ്എഫ് നേതാക്കള് ലൈംഗികാധിക്ഷേപം നടത്തിയെന്ന ഹരിത നേതാക്കളുടെ പരാതിയില് എംഎസ്എഫ് സംസ്ഥാന പ്രസിഡന്റ് പി.കെ. നവാസിനെതിരേ പോലീസ് കുറ്റപത്രം സമര്പ്പിച്ചു. കോഴിക്കോട് വെള്ളയില് ഇന്സ്പെക്ടര് ഗോപകുമാറാണ് ജുഡീഷല് ഫസ്റ്റ്ക്ലാസ് മജിസ്ട്രേറ്റ് കോടതി (നാല്) മുമ്പാകെ കഴിഞ്ഞ ദിവസം കുറ്റപത്രം സമര്പ്പിച്ചത്.
ആകെ 18 സാക്ഷികളെയാണ് കുറ്റപത്രത്തിലുള്പ്പെടുത്തിയത്. അതേസമയം എംഎസ്എഫ് മലപ്പുറം ജില്ലാ ജനറല് സെക്രട്ടറി അബ്ദുൾ വഹാബിനെ കുറ്റപത്രത്തില് നിന്ന് ഒഴിവാക്കി. നവാസിനൊപ്പം ഇയാള്ക്കെതിരെയും വനിതാ നേതാക്കള് പരാതിയില് ആരോപണം ഉന്നയിച്ചിരുന്നു. എന്നാല് മതിയായ തെളിവുകളില്ലാത്തതിനാലാണ് കുറ്റപത്രത്തില് പരാമര്ശിക്കാതിരുന്നത്.
ഹരിത കേസ്: എംഎസ്എഫ് സംസ്ഥാന പ്രസിഡന്റിനെതിരേ കുറ്റപത്രം സമര്പ്പിച്ചു
02:17 AM Nov 06, 2021 | Deepika.com