നെടുമ്പാശേരി: ആലുവ-അങ്കമാലി ദേശീയപാതയിലെ അത്താണിയിൽ ദമ്പതികൾ സഞ്ചരിച്ച സ്കൂട്ടറിന് പിന്നിൽ ലോറിയിടിച്ച് വീട്ടമ്മയ്ക്ക് ദാരുണാന്ത്യം. കരുമാല്ലൂർ കടൂപാടം വാഴേലിപറമ്പിൽ മുഹമ്മദാലിയുടെ ഭാര്യ ഖദീജാബീവി (60) യാണ് മരിച്ചത്.
രാവിലെ 8.30 ഓടെ അത്താണി എയർപോർട്ട് ജംഗ്ഷനിലായിരുന്നു അപകടം. കാലടിയിലെ മകളുടെ വീട്ടിലേക്ക് പോവുകയായിരുന്നു ദമ്പതികൾ. എയർപോർട്ട് ജംഗ്ഷനിലെ സിഗ്നലിൽ ചുവപ് ലൈറ്റ് കണ്ട് സ്കൂട്ടർ നിർത്തിയതിന് പിന്നാലെ ലോറി പിന്നിൽനിന്നും വന്ന് ഇടിച്ചിടുകയായിരുന്നു.
ഇടിയുടെ ആഘാതത്തിൽ സ്കൂട്ടറിന്റെ പിന്നിൽനിന്നും റോഡിലേക്ക് തെറ്റിച്ചു വീണ വീട്ടമ്മയുടെ ദേഹത്തുകൂടി ലോറി കയറിയിറങ്ങി. സംഭവ സ്ഥലത്ത് തന്നെ വീട്ടമ്മ മരിച്ചു. മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
അത്താണിയിൽ സ്കൂട്ടറിന് പിന്നിൽ ലോറിയിടിച്ചു; വീട്ടമ്മയ്ക്ക് ദാരുണാന്ത്യം
11:35 AM Nov 05, 2021 | Deepika.com