ഭുവനേശ്വർ: ഒഡീഷയും ബിഹാറും പെട്രോൾ ഡീസൽ നിരക്ക് കുറച്ചു. മൂല്യവർധിത നികുതിയിൽനിന്ന് മൂന്നു രൂപയാണ് ഒഡീഷ കുറച്ചത്. വാറ്റ് കുറയ്ക്കുന്ന ആദ്യ എൻഡിഎ ഇതര സംസ്ഥാനമാണ് ഒഡീഷ.
പുതിയ വില വെള്ളിയാഴ്ച അർധരാത്രി മുതൽ നിലവിൽ വരുമെന്ന് മുഖ്യമന്ത്രി നവീൻ പട്നായിക് പറഞ്ഞു. ഒഡീഷയ്ക്ക് പിന്നാലെ ബിഹാർ പെട്രോളിന് 3.20 രൂപയും ഡീസലിന് 3.90 രൂപയുമാണ് കുറച്ചത്.
നേരത്തേ, ഇന്ധനനികുതി ഉത്തർപ്രദേശും 12 രൂപ വെട്ടിക്കുറച്ചിരുന്നു. ബിജെപി ഭരിക്കുന്ന ആസാം, ത്രിപുര, മണിപ്പൂര്, കര്ണാടക, ഗോവ സംസ്ഥാനങ്ങളും ഡീസലിനും പെട്രോളിനും ഏഴ് രൂപ വീതം നികുതി കുറച്ചിട്ടുണ്ട്.
ഇന്ധന നിരക്ക് കുറച്ച് ഒഡീഷയും; വിലകുറയ്ക്കുന്ന ആദ്യ എൻഡിഎ ഇതര സംസ്ഥാനം
03:11 PM Nov 04, 2021 | Deepika.com