തിരുവനന്തപുരം: പൂജപ്പുര സെൻട്രൽ ജയിലിൽ നിന്ന് കൊലക്കേസ് പ്രതി രക്ഷപെട്ട സംഭവത്തിൽ ജയിൽ ഉദ്യോഗസ്ഥന് എതിരെ നടപടി. അസിസ്റ്റന്റ് പ്രിസൺ ഓഫീസർ അമലിനെ സസ്പെൻഡ് ചെയ്തു.
തൂത്തുക്കുടി സ്വദേശി ജാഹിർ ഹുസൈനാണ് ജയിൽച്ചാടി രക്ഷപ്പെട്ടത്. 2017ൽ തിരുവനന്തപുരത്ത് നടന്ന കൊലക്കേസിലെ പ്രതിയാണ് ഹുസൈൻ.
ചൊവ്വാഴ്ച രാവിലെ ജയിലിലെ ജോലിക്കു കൊണ്ടു പോകുന്നതിന് തടവുകാരെ പുറത്തിറക്കിയിരുന്നു. ഇതിനു ശേഷമാണ് ഇയാളെ കാണാതായത്. സംഭവത്തിൽ പോലീസ് അന്വേഷണം ആരംഭിച്ചു.
തടവുകാരന്റെ ജയിൽച്ചാട്ടം; പൂജപ്പുരയിൽ ജയിൽ ഉദ്യോഗസ്ഥന് സസ്പെൻഷൻ
06:09 PM Sep 07, 2021 | Deepika.com