കോഴിക്കോട്: കോവിഡ്, നിപ്പ പ്രതിസന്ധികൾക്കിടെ കോഴിക്കോട് മെഡിക്കൽ കോളജിൽ ജലവിതരണവും തടസപ്പെട്ടു. പ്രാഥമികാവശ്യങ്ങൾക്ക് പോലും വെള്ളം കിട്ടാനില്ലെന്നാണ് രോഗികളുടെയും കൂട്ടിരിപ്പുകാരുടെയും പരാതി. ജലവിതരണം നിലച്ചത് ഐസിയുവിന്റെ പ്രവർത്തനത്തെയും ബാധിച്ചു.
ഓക്സിജൻ പ്ലാന്റിന്റെ അറ്റക്കുറ്റപണിക്കിടെ ജലവിതരണ പൈപ്പ് പൊട്ടിയതാണ് വെള്ളം മുടങ്ങാൻ കാരണമെന്ന് ആശുപത്രി അധികൃതർ അറിയിച്ചു. ഇന്ന് തന്നെ പ്രശ്നം പരിഹരിക്കുമെന്ന് അധികൃതർ വ്യക്തമാക്കിയിട്ടുണ്ട്.
കഴിഞ്ഞ ദിവസം ആശുപത്രിയിൽ ഓക്സിജൻ ലഭ്യത തീർന്നതും പ്രതിസന്ധി സൃഷ്ടിച്ചിരുന്നു. സംഭവം വാർത്തയായതോടെ അടിയന്തരമായി ഓക്സിജൻ എത്തിച്ച് പ്രശ്നം പരിഹരിക്കുകയായിരുന്നു.
കോഴിക്കോട് മെഡിക്കൽ കോളജിൽ വെള്ളം മുടങ്ങി
12:16 PM Sep 07, 2021 | Deepika.com