ഓവൽ: ഇംഗ്ലണ്ടിനെതിരായ നാലാം ടെസ്റ്റിൽ രോഹിത് ശർമയ്ക്ക് സെഞ്ചുറി. രോഹിതിന്റെ ബാറ്റിംഗ് കരുത്തിൽ രണ്ടാം ഇന്നിംഗ്സിൽ ഇന്ത്യ തിരിച്ചടിക്കുന്നു.നിലവിൽ ഇന്ത്യ ഒരു വിക്കറ്റിന് 197 റൺസ് എന്ന നിലയിലാണ്. 98 റൺസിന്റെ ലീഡാണുള്ളത്.
205 പന്തിൽനിന്നാണ് രോഹിത് സെഞ്ചുറി കണ്ടെത്തിയത്. മോയിൻ അലിയുടെ പന്തിൽ സിക്സർ പറത്തിയായിരുന്നു വിദേശ മണ്ണിലെ ആദ്യ സെഞ്ചുറി രോഹിത് സ്വന്തമാക്കിയത്. രോഹിതിനൊപ്പം ചേതേശ്വർ പുജാരയാണ് (46) ക്രീസിൽ.
ഓപ്പണർ കെ.എൽ രാഹുൽ (46) പുറത്തായ ശേഷമെത്തിയ പുജാര രോഹിതിന് മികച്ച പിന്തുണയാണ് നൽകിയത്. ഇതുവരെ ഇരുവരും ചേർന്ന് 113 റൺസാണ് സ്കോർ കാർഡിൽ ചേർത്തത്.
രോഹിതിന് സെഞ്ചുറി; ഇന്ത്യ തിരിച്ചടിക്കുന്നു
08:08 PM Sep 04, 2021 | Deepika.com