ബംഗളൂരു: കോവിഡ് വ്യാപനം രൂക്ഷമായി തുടരുന്ന സാഹചര്യത്തിൽ കേരളത്തിൽ നിന്നുള്ളവർക്കുള്ള നിയന്ത്രണം തുടരുമെന്ന് കർണാടക. ഏഴ് ദിവസമായിരിക്കും നിർബന്ധിത ക്വാറന്റൈൻ. എട്ടാ ദിവസം ആർടിപിസിആർ പരിശോധന നടത്തുമെന്നും കർണാടക സർക്കാർ ഇറക്കിയ ഉത്തരവിൽ പറയുന്നു.
കോവിഡ് വാക്സിന്റെ രണ്ട് ഡോസും സ്വീകരിച്ച രോഗലക്ഷണങ്ങൾ ഇല്ലാത്തവർക്ക് യാത്ര ചെയ്യാൻ ആർടിപിസിആർ പരിശോധന വേണ്ടെന്നായിരുന്നു കേന്ദ്ര സർക്കാരിന്റെ പുതുക്കിയ മാർഗനിർദേശം. ഇതിന് വിരുദ്ധമായാണ് കർണാടക സർക്കാരിന്റെ ഉത്തരവ്.
വിമാനത്താവളങ്ങളിലും റെയിൽവേ സ്റ്റേഷനിലും പരിശോധനയ്ക്കായി പ്രത്യേക കർമ്മസമിതിയെ നിയോഗിക്കുമെന്നാണ് കർണാടക സർക്കാരിന്റെ അറിയിപ്പ്. അതിർത്തിയിലും പരിശോധന കർശനമാക്കുമെന്നും കർണാടക പറയുന്നു.
കേരളത്തിൽ നിന്ന് എത്തുന്നവർക്ക് നിർബന്ധിത ക്വാറന്റൈൻ ഏർപ്പെടുത്തി കർണാടക
07:28 PM Aug 30, 2021 | Deepika.com