മാഞ്ചസ്റ്റർ: ഇംഗ്ലീഷ് പ്രീമിയർ ലീഗ് ഫുട്ബോൾ ക്ലബ്ബായ മാഞ്ചസ്റ്റർ സിറ്റിയുടെ മാനേജർസ്ഥാനം സ്പാനിഷ് പരിശീലകനായ പെപ് ഗ്വാർഡിയോള 2023ൽ ഒഴിയും. കഴിഞ്ഞ നവംബറിൽ ഒപ്പിട്ട കരാറിന്റെ കാലാവധി 2023ൽ അവസാനിക്കുന്നതോടെയാണിത്. രാജ്യാന്തര ഫുട്ബോൾ മാനേജർ സ്ഥാനമാണു പെപ് അടുത്തതായി ലക്ഷ്യമിടുന്നത്.
സാധ്യമെങ്കിൽ അടുത്തത് ഒരു ദേശീയ ടീമിനെ പരിശീലിപ്പിക്കണം. അതിനു മുന്പ് ഒരു ഇടവേള ആവശ്യമാണ്- പെപ് പറഞ്ഞു. ബ്രസീൽപോലുള്ള ടീമുകളെ ലഭിക്കണമെന്നാണ് ആഗ്രഹം. ബ്രസീൽ സ്വദേശികളായ പരിശീലകരെയാണു സാധാരണയായി ദേശീയ ടീമിന്റെ ചുമതലയേൽപ്പിക്കുന്നത്.
ജർമൻ ക്ലബ് ബയേണ് മ്യൂണിക്, സ്പാനിഷ് ക്ലബ് ബാഴ്സലോണ എന്നിവയെ പരിശീലിപ്പിച്ച പെപ് ഗ്വാർഡിയോളയുടെ ശിക്ഷണത്തിൽ സിറ്റി മൂന്നു പ്രീമിയർ ലീഗ് കിരീടം നേടിയിട്ടുണ്ട്. എന്നാൽ, സിറ്റിയെ ചാന്പ്യൻസ് ലീഗ് കിരീടത്തിലെത്തിക്കാൻ പെപ്പിനു സാധിച്ചിട്ടില്ല.
ഗ്വാർഡിയോള സിറ്റി വിടുന്നു
12:55 AM Aug 27, 2021 | Deepika.com