ന്യൂഡൽഹി: കേന്ദ്ര സര്ക്കാരിന്റെ ദേശീയ ധനസമാഹരണ പദ്ധതിക്കെതിരെ കോണ്ഗ്രസ് നേതാവ് രാഹുല് ഗാന്ധി. എഴുപത് വര്ഷം കൊണ്ട് രാജ്യം ഉണ്ടാക്കിയ സമ്പത്ത് മോദി സർക്കാർ വിറ്റുതുലക്കാൻ ശ്രമിക്കുകയാണെന്ന് രാഹുൽ വിമർശിച്ചു.
ഇന്ത്യയുടെ കിരീടത്തിലെ രത്നങ്ങളെയാണ് മോദി സര്ക്കാര് വിറ്റ് നശിപ്പിക്കുന്നത്. പാവപ്പെട്ടവർക്ക് പ്രയോജനപ്പെടേണ്ട എല്ലാ ആസ്തിയും ചില വ്യവസായ സുഹൃത്തുക്കള്ക്ക് നല്കുകയാണ്. ഇത് വലിയ ദുരന്തമാണ്. രാജ്യത്ത് തൊഴിലില്ലായ്മ രൂക്ഷമാകുമെന്നും രാഹുൽ പറഞ്ഞു.
എഴുപത് വര്ഷം രാജ്യത്ത് ഒന്നും നടന്നില്ല എന്നാണ് ബിജെപിയും മോദിയും പറഞ്ഞത്. എന്നാല് 70 വര്ഷത്തെ സമ്പത്താണ് ഇപ്പോള് വില്ക്കുന്നതെന്നും രാഹുൽ കുറ്റപ്പെടുത്തി.
എഴുപത് വര്ഷം കൊണ്ട് കിട്ടിയതെല്ലാം മോദി സർക്കാർ വിറ്റുതുലയ്ക്കുന്നു; വിമർശിച്ച് രാഹുൽ
08:16 PM Aug 24, 2021 | Deepika.com