വീ​ട്ട​മ്മ​യെ പീ​ഡി​പ്പി​ച്ചു ദൃ​ശ്യ​ങ്ങ​ള്‍ പ​ക​ര്‍​ത്തി; വസ്ത്രവ്യാപാരി അറസ്റ്റിൽ

കൊ​ച്ചി: വ​സ്ത്ര​വ്യാ​പാ​ര സ്ഥാ​പ​ന​ത്തി​ല്‍ ജോ​ലി​ക്കെ​ത്തി​യ വീ​ട്ട​മ്മ​യെ പീ​ഡി​പ്പി​ച്ചു ദൃ​ശ്യ​ങ്ങ​ള്‍ പ​ക​ര്‍​ത്തു​ക​യും അ​വ ഓ​ണ്‍​ലൈ​നി​ല്‍ പ്ര​ച​രി​പ്പി​ക്കു​മെ​ന്നു ഭീ​ഷ​ണി​പ്പെ​ടു​ത്തു​ക​യും ചെ​യ്ത സ്ഥാ​പ​ന ഉ​ട​മ അ​റ​സ്റ്റി​ല്‍. വൈ​റ്റി​ല​യി​ല്‍ വ​സ്ത്ര​വ്യാ​പാ​ര സ്ഥാ​പ​നം ന​ട​ത്തു​ന്ന തൊ​ടു​പു​ഴ കാ​രി​ക്കോ​ട് മു​ത​ലക്കോടം വി​സ്മ​യ വീ​ട്ടി​ല്‍ സ​നീ​ഷി​നെ (45) യാ​ണ് എ​റ​ണാ​കു​ളം സെ​ന്‍​ട്ര​ല്‍ പോ​ലീ​സ് അ​റ​സ്റ്റു ചെ​യ്ത​ത്.

വി​വാ​ഹം ക​ഴി​ക്കാ​മെ​ന്നു വാ​ഗ്ദാ​നം ന​ൽ​കി ഹോ​ട്ട​ലി​ൽ കൊ​ണ്ടു​പോ​യി പ്ര​തി ബ​ല​മാ​യി പീ​ഡി​പ്പി​ക്കു​ക​യും ദൃ​ശ്യ​ങ്ങ​ള്‍ മൊ​ബൈ​ലി​ല്‍ പ​ക​ര്‍​ത്തു​ക​യു​മാ​യി​രു​ന്നു. തു​ട​ര്‍​ന്നു പ​രാ​തി​ക്കാ​രി​യെ ഭീ​ഷ​ണി​പ്പെ​ടു​ത്തി പ​ല​ത​വ​ണ പീ​ഡ​ന​ത്തി​നി​ര​യാ​ക്കി. 50,000 രൂ​പ​യും മോ​തി​ര​വും കൈ​ക്ക​ലാ​ക്കു​ക​യും ചെ​യ്തു. പ്ര​തി​ക്കു മ​റ്റു പ​ല പെ​ണ്‍​കു​ട്ടി​ക​ളു​മാ​യി ബ​ന്ധ​മു​ണ്ടെ​ന്നു മ​ന​സി​ലാ​ക്കി​യ പ​രാ​തി​ക്കാ​രി പ​ണം തി​രി​കെ ആ​വ​ശ്യ​പ്പെ​ട്ട​പ്പോ​ള്‍ പീ​ഡ​ന​ദൃ​ശ്യ​ങ്ങ​ള്‍ പ​രാ​തി​ക്കാ​രി​ക്ക് അ​യ​ച്ചു​കൊ​ടു​ക്കു​ക​യും ഇ​ന്‍റ​ര്‍​നെ​റ്റി​ല്‍ പ്ര​ച​രി​പ്പി​ക്കു​മെ​ന്നു ഭീ​ഷ​ണി​പ്പെ​ടു​ത്തു​ക​യു​മാ​യി​രു​ന്നു.

പോ​ലീ​സി​ല്‍ പ​രാ​തി ന​ല്‍​കി​യ​തോ​ടെ ഒ​ളി​വി​ല്‍ പോ​യ പ്ര​തി​യെ തൊ​ടു​പു​ഴ​യ്ക്കു സ​മീ​പം വ​ഴി​ത്ത​ല​യി​ല്‍​നി​ന്നാ​ണ് അ​റ​സ്റ്റ് ചെ​യ്ത​ത്. ഇ​യാ​ള്‍​ക്കെ​തി​രേ മ​ര​ട് പോ​ലീ​സ് സ്റ്റേ​ഷ​നി​ൽ പീ​ഡ​ന​ശ്ര​മ​ത്തി​നും തൊ​ടു​പു​ഴ പോ​ലീ​സ് സ്റ്റേ​ഷ​നി​ല്‍ ക​വ​ര്‍​ച്ച​യ്ക്കും കേ​സു​ണ്ട്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍​ഡ് ചെ​യ്തു.