ന്യൂഡൽഹി: പുതിയ ഐടി ചട്ടപ്രകാരം പരാതി പരിഹാര ഓഫിസറെ നിയമിച്ച് ട്വിറ്റർ. വിനയ് പ്രകാശിനെയാണ് ഇന്ത്യയിലെ പരാതി പരിഹാര ഓഫീസറായി നിയമിച്ചിരിക്കുന്നത്.
ട്വിറ്റർ വെബ്സൈറ്റിലൂടെയാണ് ഇക്കാര്യം അറിയിച്ചത്. grievance-officer-in@twitter.com എന്ന ഐഡിയിലൂടെ പരാതികൾ അറിയിക്കാമെന്നും ട്വിറ്റർ വ്യക്തമാക്കി.
ഐടി ചട്ടങ്ങൾ പ്രകാരമുള്ള നടപടികൾ സ്വീകരിക്കാത്തതിൽ ട്വിറ്ററിനെതിരെ ഡൽഹി ഹൈക്കോടതി രൂക്ഷ വിമർശനം നടത്തിയിരുന്നു. പിന്നാലെയാണ് നിയമനം നടത്തിയത്.
തദ്ദേശീയ പരാതി പരിഹാര ഓഫീസറായാണ് വിനയ് പ്രകാശിനെ നിയമിച്ചിരിക്കുന്നത്. ചീഫ് കംപ്ലെയിന്റ്സ് ഓഫീസർ അടക്കമുള്ള നിയമനങ്ങൾ ഇനിയും നടത്തേണ്ടതായുണ്ട്. ഇതിനായി എട്ട് ആഴ്ച്ചത്തെ സമയം ട്വിറ്ററിന് നൽകിയിട്ടുണ്ട്.
വിനയ് പ്രകാശിനെ പരാതി പരിഹാര ഓഫീസറായി നിയമിച്ച് ട്വിറ്റർ
11:52 AM Jul 11, 2021 | Deepika.com