തിരുവനന്തപുരം: മാധ്യമപ്രവർത്തകൻ കെ.എം ബഷീറിനെ മദ്യലഹരിയില് കാറിടിച്ച് കൊലപ്പെടുത്തിയ കേസിലെ പ്രതി ഐഎഎസ് ഓഫീസര് ശ്രീറാം വെങ്കിട്ടരാമന് പുതിയ നിയമനം. കോവിഡ് ഡേറ്റ മാനേജ്മെന്റ് നോഡല് ഓഫിസറായാണ് നിയമനം. ആരോഗ്യ പ്രിന്സിപ്പല് സെക്രട്ടറിയുടേതാണ് ഉത്തരവ്.
സംസ്ഥാനത്ത് ആകെയുള്ള രോഗികളുടെ എണ്ണം, ഓക്സിജന് കിടക്കകള്, വെന്റിലേറ്റര് സൗകര്യം തുടങ്ങിയവ ആഴ്ചയില് വിശകലനം ചെയ്യുക എന്നതാണ് കോവിഡ് ഡേറ്റ മാനേജ്മെന്റ് നോഡല് ഓഫിസറുടെ ചുമതല. കെ.എം ബഷീര് വിടവാങ്ങി രണ്ട് വര്ഷം തികയാനിരിക്കെയാണ് ശ്രീറാമിന് പുതിയ പദവി നല്കുന്നത്.
ആരോഗ്യവകുപ്പ് ജോയിന്റ് സെക്രട്ടറിയായിരുന്ന ശ്രീറാമിനെ വിവാദത്തെ തുടര്ന്നു മറ്റു ചുമതലകളില്നിന്ന് ഒഴിവാക്കിയിരുന്നു. ആരോഗ്യ വകുപ്പിന്റെ ഫാക്ട് ചെക് വിഭാഗത്തില് ശ്രീറാമിന് നിയമനം നല്കിയത് വലിയ വിവാദമായിരുന്നു. തുടര്ന്നാണ് അവിടെ നിന്നും മാറ്റിയത്. തമിഴ്നാട്ടില് തെരഞ്ഞെടുപ്പു ജോലിക്കു നിയോഗിച്ചപ്പോഴും പ്രതിഷേധത്തെ തുടര്ന്ന് തെരഞ്ഞെടുപ്പു കമ്മിഷന് തിരിച്ചു വിളിച്ചിരുന്നു.
ശ്രീറാം വെങ്കിട്ടരാമന് പുതിയ നിയമനം
09:44 PM Jul 09, 2021 | Deepika.com