ന്യൂഡൽഹി: രണ്ടാം മോദി സർക്കാരിന് പുതിയ മുഖം. കേന്ദ്രമന്ത്രിസഭാ പുനസംഘടനയുടെ ഭാഗമായി 43 പുതിയ മന്ത്രിമാർ സത്യപ്രതിജ്ഞ ചെയ്തു. ഡോക്ടർമാർ മുതൽ തോട്ടം തൊഴിലാളിയായിരുന്നവർ മന്ത്രിമാരായി.
കോണ്ഗ്രസ് വിട്ടു ബിജെപിയിലെത്തിയ മഹാരാഷ്ട്രയിലെയും മധ്യപ്രദേശിലെയും പ്രബലരായ നാരായണ് റാണെയ്ക്കും ജ്യോതിരാദിത്യ സിന്ധ്യക്കും കാബിനറ്റ് പദവിയിൽ കേന്ദ്രമന്ത്രിസ്ഥാനം ലഭിച്ചു. മലയാളിയായ രാജ്യസഭാംഗം രാജീവ് ചന്ദ്രശേഖറും മന്ത്രിയായി. സഹമന്ത്രിയായാണ് അദ്ദേഹം ചുമതലയേൽക്കുന്നത്.
കേന്ദ്രമന്ത്രിസഭയിലെ രണ്ടാമത്തെ മലയാളിയായി ബംഗളൂരുവിലെ പ്രമുഖ വ്യവസായി രാജീവ് ചന്ദ്രശേഖർ. കേരളത്തിൽ ബിജെപിക്ക് ഒരു എംപിയോ, എംഎൽഎയോ പോലുമില്ലെങ്കിലും വി. മുരളീധരനു പിന്നാലെ എൻജിനീയറും 57-കാരനുമായ രാജീവ് കൂടി കേന്ദ്രമന്ത്രിസഭയിലെത്തി.
മലയാളത്തിൽ ഏഷ്യാനെറ്റ് ന്യൂസിന്റെയും അർണാബ് ഗോസ്വാമി നയിക്കുന്ന റിപ്പബ്ലിക് വാർത്താ ചാനലിന്റെയും കന്നടയിലെ സുവർണ വാർത്താ ചാനലിന്റെയും പ്രധാന ഉടമകളിലൊരാളാണ് രാജീവ് ചന്ദ്രശേഖർ.
പുതിയ കാബിനറ്റ് മന്ത്രിമാർ
1. നാരായണ റാണെ
2. സർവാനന്ദ സോനോവാൾ
3. ഡോ. വീരേന്ദ്ര കുമാർ
4. ജ്യോതിരാദിത്യ സിന്ധ്യ
5. രാംചന്ദ്ര പ്രസാദ് സിംഗ്
6. അശ്വിനി വൈഷ്ണവ്
7 പശുപതി കുമാർ പരസ്
8 കിരണ് റിജുജു
9. രാജ് കുമാർ സിംഗ്
10. ഹർദീപ് സിംഗ് പുരി
11. മൻസൂഖ് മൻഡവ്യ
12. ഭൂപേന്ദ്ര യാദവ്
13. പർഷോത്തം രൂപാല
14. ജി. കിഷൻ റെഡ്ഡി
15. അനുരാഗ് സിംഗ് ഠാക്കൂർ
പുതിയ സഹമന്ത്രിമാർ
16. രാജീവ് ചന്ദ്രശേഖർ
17. ശോഭ കരന്ത്ലജെ
18. മീനാക്ഷി ലേഖി
19. അന്നപൂർണ ദേവി
20. പ്രതിമ ഭൗമിക്
21. ജോണ് ബർല
22. ഡോ. എൽ. മുരുകൻ
23. എ. നാരായണ സ്വാമി
24. പങ്കജ് ചൗധരി
25. അനുപ്രിയ സിംഗ് പട്ടേൽ
26. ഡോ. സത്യപാൽ സിംഗ് ഭാഗെൽ
27. ഭാനു പ്രതാപ് സിംഗ് വർമ
28. ദർശന വിക്രം ജർദോഷ്
29. കൗശൽ കിഷോർ
30. അജയ് ഭട്ട്
31. ബി.എൽ. വർമ
32. അജയ് കുമാർ
33. ചൗഹാൻ ദേവുസിൻഹ്
34. ഭഗവന്ത് ഖുബ
35. കപിൽ മോറേശ്വർ പാട്ടീൽ
36. ഡോ. സുഭാഷ് സർക്കാർ
37. ഡോ. ഭഗവത് കിഷൻറാവു കരാഡ്
38. ഡോ. രാജ്കുമാർ രഞ്ജൻ സിംഗ്
39. ഡോ. ഭാരതി പ്രവീണ് പവാർ
40. ബിഷേശ്വർ തുഡു
41. ശാന്തനു താക്കൂർ
42. ഡോ. മുഞ്ജപ്പാറ മഹേന്ദ്രഭായി
43. നിഷിത് പ്രമാണിക്
പുതുമോഡിയിൽ മോദി; 43 മന്ത്രിമാർ സത്യപ്രതിജ്ഞ ചെയ്തു
08:17 PM Jul 07, 2021 | Deepika.com