കണ്ണൂർ: ചക്കരക്കൽ വാരം ചതുരക്കിണറിൽ ബൈക്കും കാറും കൂട്ടിയിടിച്ച് ഇതര സംസ്ഥാനക്കാരായ രണ്ട് തൊഴിലാളികൾ മരിച്ചു. രാജസ്ഥാൻ ഡോൽപൂർ സ്വദേശികളായ മോനു (21), ബബ്ലു (23) എന്നിവരാണ് മരിച്ചത്.
കഴിഞ്ഞ രാത്രി 11.30 ഓടെ ചതുരക്കിണർ ബസ് കാത്തിരിപ്പ് കേന്ദ്രത്തിന് സമീപത്തായിരുന്നു അപകടം. ടൈൽ ഫിറ്റിംഗ് തൊഴിലാളികളായ ഇരുവരും കണ്ണൂരിലെ ജോലി കഴിഞ്ഞ് താമസ സ്ഥലമായ അഞ്ചരക്കണ്ടി കാവിൽ മൂല ഓടപീടികയിലെ വാടക വീട്ടിലേക്ക് വരികയായിരുന്നു. ഇരുവരും സഞ്ചരിച്ച ബൈക്ക് കാറുമായി കൂട്ടിയിടിച്ചാണ് അപകടമുണ്ടായത്.
ഗുരുതരമായി പരിക്കേറ്റ ഇരുവരെയും കണ്ണൂർ എകെജി ആശുപത്രിയിലെത്തിച്ചുവെങ്കിലും ബബ്ലുവിന്റെ ജീവൻ രക്ഷിക്കാനായില്ല. പരിയാരം കണ്ണൂർ ഗവ. മെഡിക്കൽ കോളജിലേക്ക് മാറ്റിയ മോനുവും ഇന്നു പുലർച്ചെയോടെ മരിച്ചു. ചക്കരക്കൽ പോലീസ് സ്ഥലത്തെത്തി ഇൻക്വസ്റ്റ് നടത്തി.
കണ്ണൂരിൽ വാഹനാപകടം: രണ്ടു അന്യസംസ്ഥാന തൊഴിലാളികൾ മരിച്ചു
02:31 PM Jul 07, 2021 | Deepika.com