ബുഡാപെസ്റ്റ്: യൂറോ കപ്പ് പ്രീ ക്വാർട്ടറിൽ നെതർലൻഡിനെ അട്ടിമറിച്ച് ചെക്ക്റിപ്പബ്ലിക്കിന്റെ കുതിപ്പ്. നെതർലൻഡിന്റെ എതിരില്ലാത്ത രണ്ട് ഗോളുകൾക്ക് കീഴടക്കിയാണ് ചെക്ക്റിപ്പബ്ലിക്ക് ക്വാർട്ടറിലേക്ക് കയറിയത്.
മത്സരത്തിന്റെ ആദ്യ പകുതിയിൽ വലിയ മുന്നേറ്റങ്ങൾ നടത്തിയ നെതർലൻഡിന് രണ്ടാം പകുതിയിൽ കണക്ക്കൂട്ടലുകൾ പിഴച്ചു. 55-ാം മിനിറ്റിൽ ഡിലൈറ്റ് ചുവപ്പു കാർഡ് കണ്ട് പുറത്ത് പോയതോടെയാണ് നെതർലൻഡിന്റെ കഷ്ടകാലം ആരംഭിച്ചത്. പന്ത് കൈകൊണ്ട് തൊട്ടതിനാണ് ഡിലൈറ്റിന് ചുവപ്പു കാർഡ് ലഭിച്ചത്.
68-ാം മിനിറ്റിലായിരുന്നു ചെക്ക്റിപ്പബ്ലിക്കിന് ആദ്യ ഗോൾ പിറന്നത്. തോമസ് ഹോൾസ് ഹെഡറിലൂടെയാണ് നെതർലൻഡിന്റെ നെഞ്ചിലേക്ക് നിറയൊഴിച്ചത്. 80-ാം മിനിറ്റിൽ പാട്രിക് ഷിക്കാണ് ചെക്കിന്റെ ലീഡ് ഉയർത്തിയത്.
നെതർലൻഡ് തേരോട്ടത്തിന് ചെക്ക് വച്ച് ചെക്ക്റിപ്പബ്ലിക്ക്
11:41 PM Jun 27, 2021 | Deepika.com