തിരുവനന്തപുരം: ശാസ്താംകോട്ടയിൽ യുവതിയെ ഭർതൃഗൃഹത്തിൽ മരിച്ച നിലയിൽ കണ്ടെത്തിയ സംഭവത്തിൽ കുറ്റക്കാർക്കെതിരേ കർശന നടപടി സ്വീകരിക്കണമെന്ന് കെപിസിസി അധ്യക്ഷൻ കെ. സുധാകരൻ.
ശ്രീറാം വെങ്കിട്ടരാമനെ പോലെ പണവും സ്വാധീനവും ഉപയോഗിച്ച് നിയമത്തില് നിന്നും രക്ഷപ്പെടാന് വിസ്മയയുടെ ഘാതകരെ അനുവദിക്കരുതെന്നും ഫേസ്ബുക്ക് പോസ്റ്റിൽ സുധാകരൻ പറഞ്ഞു.
മരിച്ച് മണ്ണടിഞ്ഞ് ഓര്മകള് ആയി മാറുന്ന സ്വന്തം മകളെക്കാള് നല്ലത്, ഭര്ത്താവ് ഇല്ലാതെ കൂടെ വന്ന് നില്ക്കുന്ന മകള് തന്നെയാണെന്ന് മാതാപിതാക്കള് തിരിച്ചറിയണമെന്ന് സുധാകരൻ പറഞ്ഞു.
കേരളത്തില് സ്ത്രീകള്ക്കെതിരെ കുറ്റകൃത്യങ്ങള് വര്ധിച്ചുവരികയാണെന്നും ആഭ്യന്തര വകുപ്പിന്റെ ഭാഗത്ത് നിന്നും ശക്തമായ നടപടികള് ഉണ്ടാകാത്തത് ഇത്തരം ക്രിമിനലുകളെ പ്രോത്സാഹിപ്പിക്കുന്നുണ്ടെന്നും സുധാകരന് കുറ്റപ്പെടുത്തി.
ശ്രീറാം വെങ്കിട്ടരാമനെ പോലെ രക്ഷപ്പെടാന് വിസ്മയയുടെ ഘാതകരെ അനുവദിക്കരുത്: സുധാകരന്
03:01 PM Jun 22, 2021 | Deepika.com