സെവിയ്യ: യൂറോ കപ്പിൽ ഗ്രൂപ്പ് ഇ-യിൽ സ്പെയിനിനെ സമനിലയിൽ കുടുക്കി പോളണ്ട്. നിരവധി സുവർണാവസരങ്ങൾ നഷ്ടപ്പെടുത്തിയതും ജെറാർഡ് മൊറീനോയുടെ പെനാൽറ്റി നഷ്ടവുമാണ് സ്പെയിനിന് തിരിച്ചടിയായത്.
ഇരു ടീമും ഓരോ ഗോൾ വീതം നേടി. തുടർച്ചയായ രണ്ടാം മത്സരത്തിലും സമനില വഴങ്ങിയതോടെ സ്പെയിന്റെ നോക്കൗട്ട് സാധ്യതകൾ അനിശ്ചിതത്വത്തിലായി.
25-ാം മിനിറ്റിൽ ആൽവാരോ മൊറാട്ടയിലൂടെയാണ് സ്പെയിൻ മുന്നിലെത്തിയത്. വാർ പരിശോധിച്ച ശേഷമാണ് റഫറി ഗോൾ അനുവദിച്ചത്.
54-ാം മിനിറ്റിൽ റോബർട്ട് ലെവൻഡോസ്കിയാണ് പോളണ്ടിനായി സമനില ഗോൾ കണ്ടെത്തിയത്. പിന്നീട് നിരവധി അവസരങ്ങളാണ് സ്പെയിൻ നഷ്ടപ്പെട്ടുത്തിയത്.
സ്പെയിനിനെ സമനിലയിൽ കുടുക്കി പോളണ്ട്
03:11 AM Jun 20, 2021 | Deepika.com