സതാംപ്ടൺ: ഇന്ത്യ-ന്യൂസിലൻഡ് ലോക ടെസ്റ്റ് ക്രിക്കറ്റ് ചാമ്പ്യൻഷിപ്പ് ഫൈനലിന്റെ ആദ്യ ദിവസത്തെ കളി മഴ മൂലം ഉപേക്ഷിച്ചു.
സതാംപ്ടണിൽ മഴ തിമിർത്തതോടെ മത്സരത്തിന്റെ ടോസ് പോലും ഇടാൻ സാധിച്ചിരുന്നില്ല. ലഞ്ച് ബ്രേക്ക് ആയിട്ടും മത്സരം തുടങ്ങാൻ കഴിയാതിരുന്നതോടെ ആദ്യ ദിനം ഉപേക്ഷിക്കുകയായിരുന്നു. റിസർവ് ദിനം കൂടിയുള്ളതിനാൽ ആദ്യ ദിവസം കളി തടസപ്പെട്ടാലും പ്രശ്നങ്ങളില്ല.
മത്സരത്തിനുള്ള ഇന്ത്യയുടെ പ്ലേയിംഗ് ഇലവനെ വ്യാഴാഴ്ച പ്രഖ്യാപിച്ചിരുന്നു. വിരാട് കോഹ്ലി (ക്യാപ്റ്റൻ), രോഹിത് ശർമ, ശുഭ്മാൻ ഗിൽ, ചേതേശ്വർ പൂജാര, അജിങ്ക്യ രഹാനെ, ഋഷഭ് പന്ത് (വിക്കറ്റ് കീപ്പർ), രവീന്ദ്ര ജഡേജ, ആർ. അശ്വിൻ, ജസ്പ്രീത് ബുംറ, ഇഷാന്ത് ശർമ, മുഹമ്മദ് ഷമി എന്നിവരാണ് ടീമിലുള്ളത്.
സതാംപ്ടണിൽ മഴ തിമിർത്തു; ആദ്യ ദിവസത്തെ കളി ഉപേക്ഷിച്ചു
07:58 PM Jun 18, 2021 | Deepika.com