കവരത്തി: ലക്ഷദ്വീപിൽ മത്സ്യബന്ധന ബോട്ടുകളിൽ സർക്കാർ ഉദ്യോഗസ്ഥരെ നിയമിക്കാനുള്ള അഡ്മിനിസ്ട്രേറ്ററുടെ വിവാദ ഉത്തരവ് പിൻവലിച്ചു. സർക്കാർ ജീവനക്കാരുടെയും നാട്ടുകാരുടെയും എതിർപ്പിനെ തുടർന്നാണ് നടപടി പിൻവലിച്ചത്. കപ്പലുകളിൽ സുരക്ഷ വർധിപ്പിച്ച് ഇറക്കിയ ഉത്തരവും പിൻവലിച്ചിട്ടുണ്ട്.
എല്ലാ പ്രാദേശിക ബോട്ടുകളിലും ഒരു സർക്കാർ ഉദ്യോഗസ്ഥൻ പോകണമെന്നും വിവരങ്ങൾ ശേഖരിച്ച് സർക്കാരിന് കൈമാറണമെന്നുമായിരുന്നു നിർദ്ദേശം. എന്നാൽ ഉത്തരവിനെതിരെ സർക്കാർ ജീവനക്കാരുടെ സംഘടന ഉൾപ്പെടെ രംഗത്ത് എത്തുകയായിരുന്നു. ഇതിന് പിന്നാലെയാണ് ഉത്തരവ് പിൻവലിച്ചത്.
ബോട്ടിൽ സർക്കാർ ഉദ്യോഗസ്ഥർ വേണ്ട: ലക്ഷദ്വീപിലെ വിവാദ ഉത്തരവ് പിൻവലിച്ചു
06:16 PM Jun 09, 2021 | Deepika.com