മുംബൈ: മഹാരാഷ്ട്രയിൽ വ്യാജ ജാതി രേഖ സമർപ്പിച്ച വനിതാ എംപി നവനീത് കൗർ റാണയ്ക്ക് ബോംബെ ഹൈക്കോടതി രണ്ട് ലക്ഷം രൂപ പിഴ ചുമത്തി. തെരഞ്ഞെടുപ്പില് പട്ടികജാതി സംവരണ സീറ്റില് മത്സരിക്കുന്നതിനായി ഇവര് വ്യാജ സാക്ഷിപത്രം ഹാജരാക്കിയതായി കോടതി കണ്ടെത്തി.
അമരാവതിയില് നിന്നുള്ള സ്വതന്ത്ര എംപിയായ ഇവര് സിനിമ താരം കൂടിയാണ്. സംഭവത്തില് ഇവര്ക്ക് എംപി സ്ഥാനം നഷ്ടമാകാന് സാധ്യതയുണ്ട്. എന്നാല് ഇക്കാര്യത്തില് ഹൈക്കോടതി പരാമര്ശമൊന്നും നടത്തിയിട്ടില്ല. മഹാരാഷ്ട്രയില് നിന്നുള്ള എട്ട് വനിതാ എംപിമാരില് ഒരാളാണ് നവനീത് കൗര്.
ശിവസേന നേതാവ് ആനന്ദ് റാവുവിനെ പരാജയപ്പെടുത്തിയാണ് ഇവര് എംപിയായത്.
വ്യാജ ജാതി രേഖ; വനിതാ എംപിക്ക് ബോംബെ ഹൈക്കോടതിയുടെ പിഴ
02:08 AM Jun 09, 2021 | Deepika.com