ന്യൂഡൽഹി: ഇന്ത്യൻ വ്യോമസേനയുടെ ഹെലികോപ്റ്റർ അടിയന്തരമായി നിലത്തിറക്കി. ധ്രുവ് ഹെലികോപ്റ്ററാണ് കിഴക്കൻ ലഡാക്കിലെ ഫോർവേഡ് ഹെലിപാഡിൽ അടിയന്തരമായി നിലത്തിറക്കിയത്. തിങ്കളാഴ്ച രാവിലെ 9.30 ഓടെയാണ് സംഭവം.
ഹെലികോപ്റ്ററിൽ രണ്ട് പൈലറ്റുമാരും മറ്റൊരു ഉദ്യോഗസ്ഥനും ഉണ്ടായിരുന്നു. ഇവർക്ക് ചെറിയ പരിക്ക് സംഭവിച്ചുവെന്നും എന്നാൽ അത് ഗുരുതരമല്ലെന്നും അധികൃതർ അറിയിച്ചു. ഹെലികോപ്റ്റർ അടിയന്തരമായി നിലത്തിറക്കാനുണ്ടായ സാഹചര്യം വ്യക്തമല്ല.
തദ്ദേശീയമായി രൂപകൽപ്പന ചെയ്ത് വികസിപ്പിച്ച മൾട്ടി-റോൾ, മൾട്ടി-മിഷൻ ഹെലികോപ്റ്ററാണ് ധ്രുവ്. 5.5 ടൺ ഭാരമുള്ള ഇരട്ട എഞ്ചിൻ ഹെലികോപ്റ്ററാണിത്.
വ്യോമസേനയുടെ ഹെലികോപ്റ്റർ അടിയന്തരമായി നിലത്തിറക്കി
05:11 AM Jun 08, 2021 | Deepika.com