ലക്നോ: ഉത്തർപ്രദേശിൽ അംബേദ്ക്കർ പ്രതിമ നശിപ്പിച്ച നിലയില് കണ്ടെത്തി. ഉത്തർപ്രദേശിലെ ബല്ലിയ ജില്ലയിലെ കോത്തിയ ഗ്രാമത്തിലാണ് സംഭവം. പിന്നീട് കേടുപാടുകള് മാറ്റി പ്രതിമ പുനഃസ്ഥാപിച്ചു.
കഴിഞ്ഞ ദിവസമാണ് സാമൂഹ്യവിരുദ്ധര് അംബ്ദേക്കര് പ്രതിമ നശിപ്പിച്ചത്. പ്രതിമയുടെ കൈയും കണ്ണടയും നശിപ്പിക്കപ്പെട്ട നിലയിലായിരുന്നു കണ്ടെത്തിയതെന്ന് പോലീസ് പറഞ്ഞു. ഗ്രാമീണരാണ് പ്രതിമ നശിപ്പിക്കപ്പെട്ട വിവരം പോലീസിനെ അറിയിച്ചത്.
പ്രദേശത്ത് മുന്പും അംബേദ്ക്കര് പ്രതിമക്ക് നേരെ ആക്രമണമുണ്ടായിട്ടുണ്ട്.
ഉത്തർപ്രദേശിൽ അംബേദ്ക്കർ പ്രതിമ നശിപ്പിച്ചു
06:58 PM Jun 04, 2021 | Deepika.com