കോട്ടയം: കേരള കോൺഗ്രസ് നേതാവും ധനകാര്യ സ്ഥാപനങ്ങളുടെ ഉടമയുമായ കട്ടച്ചിറ ഊന്നുകല്ലുംതൊട്ടിയിൽ ഷാജൻ കട്ടച്ചിറ (ഷാജിമോൻ മാത്യു-56) നിര്യാതനായി. അസുഖബാധിതനായി ചികിത്സയിലായിരുന്നു.
കേരള കോണ്ഗ്രസ്-എം സംസ്ഥാന കമ്മിറ്റി അംഗം, യുഡിഎഫ് മണ്ഡലം ചെയർമാൻ, കെഎസ്ആർടിസി ഉപദേശക സമിതി അംഗം, കട്ടച്ചിറ ലയണ്സ് ക്ലബ് ചാർട്ടർ പ്രസിഡന്റ്, സാംസ്കാര കേന്ദ്രം പ്രസിഡന്റ് തുടങ്ങിയ നിലകളിൽ പ്രവർത്തിച്ചിട്ടുണ്ട്.
മാത്യു ആൻഡ് സണ്സ് ചിട്ടിഫണ്ട്സ് ആൻഡ് ബാങ്കേഴ്സ്, റോഷ്കോ ചിറ്റ്സ് പ്രൈവറ്റ് ലിമിറ്റഡ്, റോഷ്കോ മ്യൂച്ചൽ ബെനഫിറ്റ് നിധി ലിമിറ്റഡ് തുടങ്ങിയ സ്ഥാപനകനും ഡയറക്ടറും കുമ്മണ്ണൂർ എംഎസ് ഫിനാൻസിയേഴ്സ് പാർട്ട്നറുമാണ്.
സംസ്കാരം വെള്ളിയാഴ്ച ഉച്ചകഴിഞ്ഞു മൂന്നിന് കോവിഡ് പ്രോട്ടോകോൾ പ്രകാരം കട്ടച്ചിറ സെന്റ് സേവ്യേഴ്സ് പള്ളിയിൽ. മൃതദേഹം വെള്ളിയാഴ്ച രാവിലെ ഒന്പതിനു ഭവനത്തിലെത്തിക്കും. പള്ളിക്കത്തോട് പുളിയ്ക്കൽ ഷൈനിയാണ് ഭാര്യ. മക്കൾ: രേഷ്മ (അധ്യാപിക, സെന്റ് ഗിറ്റ്സ് കോളജ്), റോഷൻ, റോഷ്ന (ഇരുവരും കെഇ കോളജ് മാന്നാനം വിദ്യാർഥികൾ).
കേരള കോൺഗ്രസ് നേതാവ് ഷാജൻ കട്ടച്ചിറ നിര്യാതനായി
05:33 PM Jun 03, 2021 | Deepika.com