ഫിറോസബാദ്: കോവിഡ് വാക്സിൻ സ്വീകരിക്കാത്ത സര്ക്കാര് ജീവനക്കാര്ക്ക് ശമ്പളമില്ലെന്ന് ഉത്തർപ്രദേശിലെ ഫിറോസാബാദ് ജില്ലാ ഭരണകൂടം. ജില്ലാ മജിസ്ട്രേറ്റ് ചന്ദ്ര വിജയ് സിംഗാണ് 'നോ വാക്സിനേഷന്, നോ സാലറി' ഉത്തരവ് വാക്കാല് നല്കിയിരിക്കുന്നതെന്ന് ചീഫ് ഡവലപ്പ്മെന്റ് ഓഫീസര് പറഞ്ഞു.
ഉത്തരവ് പ്രകാരം ഒരു ജീവനക്കാരന് കോവിഡ് വാക്സിന് സ്വീകരിച്ചിട്ടില്ലെങ്കില് മേയ് മാസത്തെ ശമ്പളം തടഞ്ഞുവയ്ക്കാമെന്ന് അദേഹം കൂട്ടിച്ചേര്ത്തു. ശമ്പളം കിട്ടില്ല എന്ന ഭയത്താല് ജീവനക്കാര് വാക്സിന് സ്വീകരിക്കും എന്നാണ് കരുതുന്നതെന്നും ഉയര്ന്ന ഉദ്യോഗസ്ഥന് വ്യക്തമാക്കി.
വാക്സിന് എടുക്കാത്ത സര്ക്കാര് ജീവനക്കാര്ക്ക് ശമ്പളമില്ല; ഫിറോസാബാദ് ജില്ലാ ഭരണകൂടം
11:05 PM Jun 02, 2021 | Deepika.com