റായ്പുർ: ഛത്തിസ്ഗഡിലെ കൊണ്ടാഗാവിൽ ഒരു സ്ത്രീയുൾപ്പെടെ രണ്ട് മാവോയിസ്റ്റുകളെ സുരക്ഷാസേന ഏറ്റുമുട്ടലിൽ വധിച്ചു. പ്രദേശത്തുനിന്ന് വൻതോതിൽ പടക്കോപ്പുകൾ പിടിച്ചെടുക്കുകയും ചെയ്തു. റായ്പുരിൽ നിന്ന് 200 കിലോമീറ്റർ അകലെയുള്ള കൊണ്ടഗാവിലെ വനമേഖലയിലായിരുന്നു സംഭവം.
ജില്ലാ റിസർവ്ഗാർഡിന്റെ നേതൃത്വത്തിൽ നക്സൽ മേഖലകളിൽ പരിശോധന നടത്തുന്പോൾ മാവോയിസ്റ്റുകൾ വെടിയുതിർക്കുകയായിരുന്നുവെന്ന് ബസ്തർ റേഞ്ച് ഐജി സുനന്ദർരാജ് അറിയിച്ചു. ഏറ്റുമുട്ടലിൽ ഏതാനും മാവോയിസ്റ്റുകൾക്ക് പരിക്കേറ്റതായി സംശയിക്കുന്നതായും അദ്ദേഹം വ്യക്തമാക്കി.
ഛത്തിസ്ഗഡിൽ ഏറ്റുമുട്ടലിൽ രണ്ട് മാവോയിസ്റ്റുകളെ വധിച്ചു
04:17 AM Jun 02, 2021 | Deepika.com