യു​വാ​വി​നെ ത​ട്ടി​കൊ​ണ്ടു​പോ​യ സം​ഭ​വം: അ​ന്വേ​ഷ​ണ​ത്തി​ന് പ്ര​ത്യേ​ക സം​ഘം

കൊ​ച്ചി: യു​വാ​വി​നെ ത​ട്ടി​ക്കൊ​ണ്ടു​പോ​യ സം​ഭ​വ​ത്തി​ല്‍ വി​ശ​ദ​മാ​യ അ​ന്വേ​ഷ​ണ​ത്തി​ന് പ്ര​ത്യേ​ക സം​ഘ​ത്തെ നി​യോ​ഗി​ച്ചു. കേ​സി​ല്‍ കൂ​ടു​ത​ല്‍ പ്ര​തി​ക​ള്‍ ഉ​ണ്ടോ​യെ​ന്ന​ത​ട​ക്കം വി​ശ​ദ​മാ​യ അ​ന്വേ​ഷ​ണ​ത്തി​നാ​ണു അ​ധി​കൃ​ത​ര്‍ ഒ​രു​ങ്ങു​ന്ന​ത്.

എ​റ​ണാ​കു​ളം ക​മ്മ​ട്ടി​പ്പാ​ട​ത്തി​നു സ​മീ​പ​ത്തെ ഫ്ലാ​റ്റി​ൽ താ​മ​സി​ക്കു​ന്ന ഇ​ടു​ക്കി സ്വ​ദേ​ശി അ​നി ജോ​യി​യെ ത​ട്ടി​ക്കൊ​ണ്ടു​പോ​യ സം​ഭ​വ​ത്തി​ല്‍ ഗു​ണ്ടാ​സം​ഘ​ത്തി​ലെ അം​ഗ​ങ്ങ​ളാ​യ കൊ​ടു​ങ്ങ​ല്ലൂ​ര്‍ സ്വ​ദേ​ശി​ക​ള്‍ മു​ഹ​മ​ദ് അ​ജ്മ​ല്‍ (28), സ​ഞ്ജ​യ് ഷാ​ഹു​ല്‍ (31) എ​ന്നി​വ​രാ​ണ് ക​ട​വ​ന്ത്ര പോ​ലീ​സി​ന്‍റെ പി​ടി​യി​ലാ​യ​ത്. ഇ​രു​വ​രും കാ​പ്പാ കേ​സ് പ്ര​തി​ക​ളാ​ണ്. അ​നി​യു​ടെ സു​ഹൃ​ത്താ​യ ഷി​ഹാ​ബ് ന​ല്‍​കി​യ പ​രാ​തി​യി​ലാ​ണ് പ്ര​തി​ക​ളെ പോ​ലീ​സ് പി​ടി​കൂ​ടി​യ​ത്.

ഞാ​യ​റാ​ഴ്ച പു​ല​ര്‍​ച്ച​യോ​ടെ​യാ​യി​രു​ന്നു സം​ഭ​വം. ഷി​ഹാ​ബി​നോ​ടു​ള്ള സം​ഘ​ത്തി​ന്‍റെ പ​ക​യാ​ണു ത​ട്ടി​കൊ​ണ്ടു​പോ​ക​ലി​നു പി​ന്നി​ലെ​ന്നാ​ണു വി​വ​രം. സം​ഭ​വ​ത്തെ​ക്കു​റി​ച്ച് പോ​ലീ​സ് പ​റ​യു​ന്ന​തി​ങ്ങ​നെ: കൊ​ല​പാ​ത​ക​മ​ട​ക്കം നി​ര​വ​ധി കേ​സു​ക​ളി​ല്‍ പ്ര​തി​ക​ളാ​യ ഗു​ണ്ടാ​സം​ഘം എ​റ​ണാ​കു​ള​ത്ത് താ​മ​സി​ക്കു​ന്ന വി​വ​രം ഷി​ഹാ​ബ് ചി​ല​രോ​ട് പ​റ​ഞ്ഞി​രു​ന്നു.

മാ​ത്ര​മ​ല്ല, ഇ​യാ​ളു​ടെ കാ​ര്‍ അ​പ​ക​ട​ത്തി​ല്‍​പ്പെ​ടു​ത്തി​യ​തി​ന്‍റെ ന​ഷ്ട​പ​രി​ഹാ​രം അ​ടു​ത്തി​ടെ ആ​വ​ശ്യ​പ്പെ​ട്ടി​രു​ന്നു. ഇ​തോ​ടെ ഷി​ഹാ​ബി​നെ​തി​രെ ഗു​ണ്ടാ​സം​ഘ​ത്തി​നു പ​ക​യാ​കു​ക​യും ഷി​ഹാ​ബി​നെ ത​ട്ടി​ക്കൊ​ണ്ടു​പോ​കാ​ന്‍ തീ​രു​മാ​നി​ക്കു​ക​യു​മാ​യി​രു​ന്നു.

പ​ദ്ധ​തി പ്ര​കാ​രം ഫ്ലാ​റ്റി​ൽ എ​ത്തി​യ​പ്പോ​ള്‍ ഇ​വി​ടെ അ​നി മാ​ത്ര​മാ​ണ് ഉ​ണ്ടാ​യി​രു​ന്ന​ത്. ഷി​ഹാ​ബി​നെ ല​ഭി​ക്കാ​ത്ത ദേ​ഷ്യ​ത്തി​ല്‍ ഇ​വ​ര്‍ അ​നി​യെ ക​ട​ത്തി​ക്കൊ​ണ്ടു​പോ​യി ഇ​ട​പ്പ​ള്ളി​യി​ലു​ള്ള ഒ​രു ലോ​ഡ്ജി​ല്‍ ത​ട​വി​ല്‍ പാ​ര്‍​പ്പി​ച്ചു. ഷി​ഹാ​ബ് ഈ ​വി​വ​രം അ​റി​ഞ്ഞ് പോ​ലീ​സി​ല്‍ പ​രാ​തി​പ്പെ​ടു​ക​യാ​യി​രു​ന്നു.

തു​ട​ര്‍​ന്ന് ന​ട​ത്തി​യ അ​ന്വേ​ഷ​ണ​ത്തി​ല്‍ അ​നി​യെ ലോ​ഡ്ജി​ല്‍​നി​ന്ന് പോ​ലീ​സ് മോ​ചി​പ്പി​ക്കു​ക​യും പോ​ലീ​സി​നെ ക​ണ്ടു ര​ക്ഷ​പ്പെ​ട്ട സം​ഘ​ത്തെ പി​ന്തു​ട​ര്‍​ന്നു പി​ടി​കൂ​ടു​ക​യു​മാ​യി​രു​ന്നു. പ്ര​തി​ക​ളു​ടെ മ​റ്റ് ക്രി​മി​ന​ല്‍ പ​ശ്ചാ​ത്ത​ലം പേ​ലീ​സ് അ​ന്വേ​ഷി​ച്ചു വ​രി​ക​യാ​ണ്. വ​രും ദി​വ​സ​ങ്ങ​ളി​ല്‍ കൂ​ടു​ത​ല്‍ അ​റ​സ്റ്റ് ഉ​ണ്ടാ​യേ​ക്കു​മെ​ന്നാ​ണു സൂ​ച​ന​ക​ള്‍.